ΠΡΟΣ ΡΩΜΑΙΟΥΣ 11

<< ΠΡΟΣ ΡΩΜΑΙΟΥΣ 11 >>
Romans 11 Greek Study Bible
God has not cast off all Israel.
   1   Λέγω  οὖν  μὴ  ἀπώσατο  ὁ  θεὸς  τὸν  λαὸν  αὐτοῦ  μὴ  γένοιτο·  καὶ  γὰρ  ἐγὼ  Ἰσραηλίτης  εἰμί,  ἐκ  σπέρματος  Ἀβραάμ,  φυλῆς  Βενιαμίν.  2   οὐκ  ἀπώσατο  ὁ  θεὸς  τὸν  λαὸν  αὐτοῦ  ὃν  προέγνω.  ἢ  οὖκ  οἴδατε  ἐν  Ἠλίᾳ  τί  λέγει  ἡ  γραφή,  ὡς  ἐντυγχάνει  τῷ  θεῷ  κατὰ  τοῦ  Ἰσραήλ;  3   κύριε,  τοὺς  προφήτας  σου  ἀπέκτειναν,  τα  θυσιαστήρια  σου  κατέσκαψαν,  καγὼ  ὑπελείφθην  μόνος  καὶ  ζητοῦσιν  τὴν  ψυχήν  μου.  4   ἀλλὰ  τί  λέγει  αὐτῷ  ὁ  χρηματισμός;  κατέλιπον  ἐμαυτῷ  ἑπτακισχιλίους  ἄνδρας,  οἵτινες  οὐκ  ἔκαμψαν  γόνυ  τῇ  βάαλ.  5   οὕτως  οὖν  καὶ  ἐν  τῷ  νῦν  καιρῷ  λεῖμμα  κατ’  ἐκλογὴν  χάριτος  γέγονεν·  6   εἰ  δὲ  χάριτι,  οὐκέτι  ἐξ  ἔργων,  ἐπεὶ  ἡ  χάρις  οὐκέτι  γίνεται  χάρις. 
Some were elected, though the rest were hardened.
      ἔδωκεν  αὐτοῖς  ὁ  θεὸς  πνεῦμα  κατανύξεως, 
         ὀφθαλμοὺς  τοῦ  μὴ  βλέπειν 
            καὶ  ὦτα  τοῦ  μὴ  ἀκούειν, 
         ἕως  τῆς  σήμερον  ἡμέρας. 
9   καὶ  Δαυὶδ  λέγει· 
      γενηθήτω  ἡ  τράπεζα  αὐτῶν  εἰς  παγίδα  καὶ  εἰς  θήραν 
            καὶ  εἰς  σκάνδαλον  καὶ  εἰς  ἀνταπόδομα  αὐτοῖς, 
         10   σκοτισθήτωσαν  οἱ  ὀφθαλμοὶ  αὐτῶν  τοῦ  μὴ  βλέπειν 
            καὶ  τὸν  νῶτον  αὐτῶν  διὰ  παντὸς  σύγκαμψον. 
   11   Λέγω  οὖν,  μὴ  ἔπταισαν  ἵνα  πέσωσιν;  μὴ  γένοιτο·  ἀλλὰ  τῷ  αὐτῶν  παραπτώματι  ἡ  σωτηρία  τοῖς  ἔθνεσιν  εἰς  τὸ  παραζηλῶσαι  αὐτούς.  12   εἰ  δὲ  τὸ  παράπτωμα  αὐτῶν  πλοῦτος  κόσμου  καὶ  τὸ  ἤττημα  αὐτῶν  πλοῦτος  ἔθνων,  πόσῳ  μᾶλλον  τὸ  πλήρωμα  αὐτῶν. 
   13   ὑμῖν  δὲ  λέγω  τοῖς  ἔθνεσιν·  ἐφ’  ὄσον  μὲν  οὖν  εἰμι  ἐγὼ  ἐθνῶν  ἀπόστολος  τὴν  διακονίαν  μου  δοξάζω,  14   εἴ  πως  παραζηλώσω  μου  τὴν  σάρκα  καὶ  σώσω  τινὰς  ἐξ  αὐτῶν.  15   εἰ  γὰρ  ἡ  ἀποβολὴ  αὐτῶν  καταλλαγὴ  κόσμου,  τίς  ἡ  πρόσλημψις  εἰ  μὴ  ζωὴ  ἐκ  νεκρῶν; 
There is hope of their conversion.
   17   Εἰ  δὲ  τινες  τῶν  κλάδων  ἐξεκλάσθησαν,  σὺ  δὲ  ἀγριέλαιος  ὢν  ἐνεκεντρίσθης  ἐν  αὐτοῖς  καὶ  συγκοινωνὸς  τῆς  ῥίζης  τῆς  πιότητος  τῆς  ἐλαίας  ἐγένου, 
The Gentiles may not exult over them;
18   μὴ  κατακαυχῶ  τῶν  κλάδων·  εἰ  δὲ  κατακαυχᾶσαι  οὐ  σὺ  τὴν  ῥίζαν  βαστάζεις  ἀλλὰ  ἡ  ῥίζα  σέ.  19   ἐρεῖς  οὖν·  ἐξεκλάσθησαν  κλάδοι  ἵνα  ἐγὼ  ἐγκεντρισθῶ.  20   καλῶς·  τῇ  ἀπιστίᾳ  ἐξεκλάσθησαν,  σὺ  δὲ  τῇ  πίστει  ἕστηκας.  μὴ  ὑψηλὰ  φρόνει  ἀλλὰ  φοβοῦ·  21   εἰ  γὰρ  ὁ  θεὸς  τῶν  κατὰ  φύσιν  κλάδων  οὐκ  ἐφείσατο,  οὐδὲ  σοῦ  φείσεται.  22   ἴδε  οὖν  χρηστότητα  καὶ  ἀποτομίαν  θεοῦ·  ἐπὶ  μὲν  τοὺς  πεσόντας  ἀποτομία,  ἐπὶ  δὲ  σὲ  χρηστότης  θεοῦ,  ἐὰν  ἐπιμένῃς  τῇ  χρηστότητι,  ἐπεὶ  καὶ  σὺ  ἐκκοπήσῃ.  23   κακεὶνοι  δὲ  ἐὰν  μὴ  ἐπιμένωσιν  τῇ  ἀπιστίᾳ  ἐγκεντρισθήσονται·  δυνατὸς  γάρ  ἐστιν  ὁ  θεὸς  πάλιν  ἐγκεντρίσαι  αὐτούς.  24   εἰ  γὰρ  σὺ  ἐκ  τῆς  κατὰ  φύσιν  ἐξεκόπης  ἀγριελαίου  καὶ  παρὰ  φύσιν  ἐνεκεντρίσθης  εἰς  καλλιέλαιον,  πόσῳ  μᾶλλον  οὗτοι  οἱ  κατὰ  φύσιν  ἐγκεντρισθήσονται  τῇ  ἰδίᾳ  ἐλαίᾳ. 
   25   Οὐ  γὰρ  θέλω  ὑμᾶς  ἀγνοεῖν,  ἀδελφοί,  τὸ  μυστήριον  τοῦτο,  ἵνα  μὴ  ἦτε  ἐν  ἑαυτοῖς  φρόνιμοι,  ὅτι  πώρωσις  ἀπὸ  μέρους  τῷ  Ἰσραὴλ  γέγονεν  ἄχρις  οὗ  τὸ  πλήρωμα  τῶν  ἐθνῶν  εἰσέλθῃ 
for there is a promise of their salvation.
      ἥξει  ἐκ  Σιὼν  ὁ  ῥυόμενος, 
            ἀποστρέψει  ἀσεβείας  ἀπὸ  Ἰακώβ. 
         27   καὶ  αὕτη  αὐτοῖς  ἡ  παρ'  ἐμοῦ  διαθήκη, 
            ὅταν  ἀφέλωμαι  τὰς  ἁμαρτίας  αὐτῶν.  28   κατὰ  μὲν  τὸ  εὐαγγέλιον  ἔχθροι  δι’  ὑμᾶς  κατὰ  δὲ  τὴν  ἐκλογὴν  ἀγαπητοὶ  διὰ  τοὺς  πατέρας·  29   ἀμεταμέλητα  γὰρ  τὰ  χαρίσματα  καὶ  ἡ  κλῆσις  τοῦ  θεοῦ.  30   ὥσπερ  γὰρ  ὑμεῖς  ποτὲ  ἠπειθήσατε  τῷ  θεῷ,  νῦν  δε  ἠλεήθητε  τῇ  τούτων  ἀπειθείᾳ,  31   οὕτως  καὶ  οὗτοι  νῦν  ἠπείθησαν  τῷ  ὑμετέρῳ  ἐλέει,  ἵνα  καὶ  αὐτοὶ  νῦν  ἐλεηθῶσιν. 
   32   συνέκλεισεν  γὰρ  ὁ  θεὸς  τοὺς  πάντας  εἰς  ἀπείθειαν,  ἵνα  τοὺς  πάντας  ἐλεήσῆ. 
God's judgments are unsearchable.
      33   ᾽Ω  βάθος  πλούτου 
            καὶ  σοφίας  καὶ  γνώσεως  θεοῦ· 
         ὡς  ἀνεξεραύνητα  τὰ  κρίματα  αὐτοῦ 
            καὶ  ἀνεξιχνίαστοι  αἱ  ὁδοὶ  αὐτοῦ. 
         34   τίς  γὰρ  ἔγνω  νοῦν  κυρίου; 
            ἢ  τίς  σύμβουλος  αὐτοῦ  ἐγένετο; 
         35   ἢ  τίς  προέδωκεν  αὐτῷ, 
            καὶ  ἀνταποδοθήσεται  αὐτῷ; 
         36   ὅτι  ἐξ  αὐτοῦ  καὶ  δι’  αὐτοῦ  καὶ 
               εἰς  αὐτὸν  τὰ  πάντα· 
            αὐτῷ  ἡ  δόξα  εἰς  τοὺς  αἰῶνας,  ἀμήν.