1   הַ֥לְלוּ  יָ֨הּ  אַשְׁרֵי־  אִ֭ישׁ  יָרֵ֣א  אֶת־  יְהוָ֑ה  בְּ֝מִצְוֹתָ֗יו  חָפֵ֥ץ  מְאֹֽד׃  2   גִּבֹּ֣ור  בָּ֭אָרֶץ  יִהְיֶ֣ה  זַרְעֹ֑ו  דֹּ֭ור  יְשָׁרִ֣ים  יְבֹרָֽךְ׃  3   הֹון־  וָעֹ֥שֶׁר  בְּבֵיתֹ֑ו  וְ֝צִדְקָתֹ֗ו  עֹמֶ֥דֶת  לָעַֽד׃ 

4   זָ֘רַ֤ח  בַּחֹ֣שֶׁךְ  אֹ֖ור  לַיְשָׁרִ֑ים  חַנּ֖וּן  וְרַח֣וּם  וְצַדִּֽיק׃  5   טֹֽוב־  אִ֭ישׁ  חֹונֵ֣ן  וּמַלְוֶ֑ה  יְכַלְכֵּ֖ל  דְּבָרָ֣יו  בְּמִשְׁפָּֽט׃  6   כִּֽי־  לְעֹולָ֥ם  לֹא־  יִמֹּ֑וט  לְזֵ֥כֶר  עֹ֝ולָ֗ם  יִהְיֶ֥ה  צַדִּֽיק׃  7   מִשְּׁמוּעָ֣ה  רָ֭עָה  לֹ֣א  יִירָ֑א  נָכֹ֥ון  לִ֝בֹּ֗ו  בָּטֻ֥חַ  בַּיהוָֽה׃  8   סָמ֣וּךְ  לִ֭בֹּו  לֹ֣א  יִירָ֑א  עַ֖ד  אֲשֶׁר־  יִרְאֶ֣ה  בְצָרָֽיו׃  9   פִּזַּ֤ר  נָ֘תַ֤ן  לָאֶבְיֹונִ֗ים  צִ֭דְקָתֹו  עֹמֶ֣דֶת  לָעַ֑ד  קַ֝רְנֹ֗ו  תָּר֥וּם  בְּכָבֹֽוד׃ 

10   רָ֘שָׁ֤ע  יִרְאֶ֨ה  וְכָעָ֗ס  שִׁנָּ֣יו  יַחֲרֹ֣ק  וְנָמָ֑ס  תַּאֲוַ֖ת  רְשָׁעִ֣ים  תֹּאבֵֽד׃