ΚΑΤΑ ΙΩΑΝΝΗΝ 20

<< ΚΑΤΑ ΙΩΑΝΝΗΝ 20 >>
John 20 Greek Study Bible
Mary comes to the tomb;
so do Peter and John, ignorant of the resurrection.
3   Ἐξῆλθεν  οὖν  ὁ  Πέτρος  καὶ  ὁ  ἄλλος  μαθητὴς  καὶ  ἤρχοντο  εἰς  τὸ  μνημεῖον.  4   ἔτρεχον  δὲ  οἱ  δύο  ὁμοῦ·  καὶ  ὁ  ἄλλος  μαθητὴς  προέδραμεν  τάχιον  τοῦ  Πέτρου  καὶ  ἦλθεν  πρῶτος  εἰς  τὸ  μνημεῖον,  5   καὶ  παρακύψας  βλέπει  κείμενα  τὰ  ὀθόνια,  οὐ  μέντοι  εἰσῆλθεν.  6   ἔρχεται  οὖν  καὶ  Σίμων  Πέτρος  ἀκολουθῶν  αὐτῷ  καὶ  εἰσῆλθεν  εἰς  τὸ  μνημεῖον  καὶ  θεωρεῖ  τὰ  ὀθόνια  κείμενα,  7   καὶ  τὸ  σουδάριον,  ὁ  ἦν  ἐπὶ  τῆς  κεφαλῆς  αὐτοῦ,  οὐ  μετὰ  τῶν  ὀθονίων  κείμενον  ἀλλὰ  χωρὶς  ἐντετυλιγμένον  εἰς  ἕνα  τόπον.  8   τότε  οὖν  εἰσῆλθεν  καὶ  ὁ  ἄλλος  μαθητὴς  ὁ  ἐλθὼν  πρῶτος  εἰς  τὸ  μνημεῖον  καὶ  εἶδεν  καὶ  ἐπίστευσεν·  9   οὐδέπω  γὰρ  ᾔδεισαν  τὴν  γραφὴν  ὅτι  δεῖ  αὐτὸν  ἐκ  νεκρῶν  ἀναστῆναι.  10   ἀπῆλθον  οὖν  πάλιν  πρὸς  αὐτοὺς  οἱ  μαθηταί. 
Jesus appears to Mary Magdalene,
   11   Μαρία  δὲ  εἱστήκει  πρὸς  τῷ  μνημείῳ  ἔξω  κλαίουσα.  ὡς  οὖν  ἔκλαιεν,  παρέκυψεν  εἰς  τὸ  μνημεῖον  12   καὶ  θεωρεὶ  δύο  ἀγγέλους  ἐν  λευκοῖς  καθεζομένους,  ἕνα  πρὸς  τῇ  κεφαλῇ  καὶ  ἕνα  πρὸς  τοῖς  ποσίν,  ὅπου  ἔκειτο  τὸ  σῶμα  τοῦ  Ἰησοῦ.  13   καὶ  λέγουσιν  αὐτῇ  ἐκεῖνοι·  γύναι,  τί  κλαίεις;  λέγει  αὐτοῖς  ὅτι  ἦραν  τὸν  κύριον  μου,  καὶ  οὐκ  οἶδα  ποῦ  ἔθηκαν  αὐτόν.  14   ταῦτα  εἰποῦσα  ἐστράφη  εἰς  τὰ  ὀπίσω  καὶ  θεωρεῖ  τὸν  Ἰησοῦν  ἑστῶτα  καὶ  οὐκ  ᾔδει  ὅτι  Ἰησοῦς  ἐστιν.  15   λέγει  αὐτῇ  Ἰησους·  γύναι,  τί  κλαίεις;  τίνα  ζητεῖς;  ἐκείνη  δοκοῦσα  ὅτι  ὁ  κηπουρός  ἐστιν  λέγει  αὐτῷ·  κύριε,  εἰ  σὺ  ἐβάστασας  αὐτόν,  εἶπε  μοι  ποῦ  ἔθηκας  αὐτόν,  καγὼ  αὐτὸν  ἀρῶ.  16   λέγει  αὐτῇ  Ἰησοῦς·  Μαριάμ.  στραφεῖσα  ἐκείνη  λέγει  αὐτῷ  Ἑβραϊστί·  ῥαββουνι  (ο  λεγεται  διδασκαλε).  17   λέγει  αὐτῇ  Ἰησοῦς·  μή  μου  ἅπτου,  οὔπω  γὰρ  ἀναβέβηκα  πρὸς  τὸν  πατέρα·  πορεύου  δὲ  πρὸς  τοὺς  ἀδελφούς  μου  καὶ  εἶπε  αὐτοῖς  ἀναβαίνω  πρὸς  τὸν  πατέρα  μου  καὶ  πατέρα  ὑμῶν  καὶ  θεόν  μου  καὶ  θεὸν  ὑμῶν.  18   ἔρχεται  Μαριὰμ  ἡ  Μαγδαληνὴ  ἀγγέλλουσα  τοῖς  μαθηταῖς  ὅτι  ἑώρακα  τὸν  κύριον,  καὶ  ταῦτα  εἶπεν  αὐτῇ. 
and to his disciples.
   19   Οὔσης  οὖν  ὀψίας  τῇ  ἡμέρᾳ  ἐκείνῃ  τῇ  μιᾷ  σαββάτων  καὶ  τῶν  θυρῶν  κεκλεισμένων  ὅπου  ἦσαν  οἱ  μαθηταὶ  διὰ  τὸν  φόβον  τῶν  Ἰουδαίων  ἦλθεν  ὁ  Ἰησοῦς  καὶ  ἔστη  εἰς  τὸ  μέσον  καὶ  λέγει  αὐτοῖς·  εἰρήνη  ὑμῖν.  20   καὶ  τοῦτο  εἰπὼν  ἔδειξεν  καὶ  τὰς  χεῖρας  καὶ  τὴν  πλευρὰν  αὐτοῖς·  ἐχάρησαν  οὖν  οἱ  μαθηταὶ  ἰδόντες  τὸν  κύριον.  21   εἶπεν  οὖν  αὐτοῖς  ὁ  Ἰησοῦς  πάλιν·  εἰρήνη  ὑμῖν·  καθὼς  ἀπέσταλκεν  με  ὁ  πατήρ,  καγὼ  πέμπω  ὑμᾶς.  22   καὶ  τοῦτο  εἰπὼν  ἐνεφύσησεν  καὶ  λέγει  αὐτοῖς·  λάβετε  πνεῦμα  ἅγιον·  23   ἄν  τινων  ἀφῆτε  τὰς  ἁμαρτίας  ἀφέωνται  αὐτοῖς  ἄν  τινων  κρατῆτε  κεκράτηνται. 
The incredulity and confession of Thomas.
   24   Θωμᾶς  δὲ  εἷς  ἐκ  τῶν  δώδεκα,  ὁ  λεγόμενος  Δίδυμος,  οὐκ  ἦν  μετ’  αὐτῶν  ὅτε  ἦλθεν  Ἰησοῦς.  25   ἔλεγον  οὖν  αὐτῷ  οἱ  ἄλλοι  μαθηταὶ  ἑωράκαμεν  τὸν  κύριον.  ὁ  δὲ  εἶπεν  αὐτοῖς·  ἐὰν  μὴ  ἴδω  ἐν  ταῖς  χερσὶν  αὐτοῦ  τὸν  τύπον  τῶν  ἥλων  καὶ  βάλω  τὸν  δάκτυλον  μου  εἰς  τὸν  τύπον  τῶν  ἥλων  καὶ  βάλω  μου  τὴν  χεῖρα  εἰς  τὴν  πλευρὰν  αὐτοῦ,  οὐ  μὴ  πιστεύσω.  26   Καὶ  μεθ’  ἡμέρας  ὀκτὼ  πάλιν  ἦσαν  ἔσω  οἱ  μαθηταὶ  αὐτοῦ  καὶ  Θωμᾶς  μετ’  αὐτῶν.  ἔρχεται  ὁ  Ἰησοῦς  τῶν  θυρῶν  κεκλεισμένων  καὶ  ἔστη  εἰς  τὸ  μέσον  καὶ  εἶπεν·  εἰρήνη  ὑμῖν.  27   εἶτα  λέγει  τῷ  Θωμᾷ·  φέρε  τὸν  δάκτυλον  σου  ὧδε  καὶ  ἴδε  τὰς  χεῖρας  μου  καὶ  φέρε  τὴν  χεῖρα  σου  καὶ  βάλε  εἰς  τὴν  πλευράν  μου  καὶ  μὴ  γίνου  ἄπιστος  ἀλλὰ  πιστός.  28   ἀπεκρίθη  Θωμᾶς  καὶ  εἶπεν  αὐτῷ·  ὁ  κύριος  μου  καὶ  ὁ  θεός  μου.  29   λέγει  αὐτῷ  ὁ  Ἰησοῦς  ὅτι  ἑώρακας  με  πεπίστευκας;  μακάριοι  οἱ  μὴ  ἰδόντες  καὶ  πιστεύσαντες. 
The Scripture is sufficient to salvation.