בראשית 9

<< בראשית 9 >>
Genesis 9 Hebrew Study Bible
God blesses Noah and his sons, and grants them flesh for food.
1   וַיְבָ֣רֶךְ  אֱלֹהִ֔ים  אֶת־  נֹ֖חַ  וְאֶת־  בָּנָ֑יו  וַיֹּ֧אמֶר  לָהֶ֛ם  פְּר֥וּ  וּרְב֖וּ  וּמִלְא֥וּ  אֶת־  הָאָֽרֶץ׃  2   וּמֹורַאֲכֶ֤ם  וְחִתְּכֶם֙  יִֽהְיֶ֔ה  עַ֚ל  כָּל־  חַיַּ֣ת  הָאָ֔רֶץ  וְעַ֖ל  כָּל־  עֹ֣וף  הַשָּׁמָ֑יִם  בְּכֹל֩  אֲשֶׁ֨ר  תִּרְמֹ֧שׂ  הָֽאֲדָמָ֛ה  וּֽבְכָל־  דְּגֵ֥י  הַיָּ֖ם  בְּיֶדְכֶ֥ם  נִתָּֽנוּ׃  3   כָּל־  רֶ֙מֶשׂ֙  אֲשֶׁ֣ר  הוּא־  חַ֔י  לָכֶ֥ם  יִהְיֶ֖ה  לְאָכְלָ֑ה  כְּיֶ֣רֶק  עֵ֔שֶׂב  נָתַ֥תִּי  לָכֶ֖ם  אֶת־  כֹּֽל׃ 
Blood and murder are forbidden.
4   אַךְ־  בָּשָׂ֕ר  בְּנַפְשֹׁ֥ו  דָמֹ֖ו  לֹ֥א  תֹאכֵֽלוּ׃  5   וְאַ֨ךְ  אֶת־  דִּמְכֶ֤ם  לְנַפְשֹֽׁתֵיכֶם֙  אֶדְרֹ֔שׁ  מִיַּ֥ד  כָּל־  חַיָּ֖ה  אֶדְרְשֶׁ֑נּוּ  וּמִיַּ֣ד  הָֽאָדָ֗ם  מִיַּד֙  אִ֣ישׁ  אָחִ֔יו  אֶדְרֹ֖שׁ  אֶת־  נֶ֥פֶשׁ  הָֽאָדָֽם׃  6   שֹׁפֵךְ֙  דַּ֣ם  הָֽאָדָ֔ם  בָּֽאָדָ֖ם  דָּמֹ֣ו  יִשָּׁפֵ֑ךְ  כִּ֚י  בְּצֶ֣לֶם  אֱלֹהִ֔ים  עָשָׂ֖ה  אֶת־  הָאָדָֽם׃  7   וְאַתֶּ֖ם  פְּר֣וּ  וּרְב֑וּ  שִׁרְצ֥וּ  בָאָ֖רֶץ  וּרְבוּ־  בָֽהּ׃  ס 
God's covenant, of which the rainbow was constituted a pledge.
8   וַיֹּ֤אמֶר  אֱלֹהִים֙  אֶל־  נֹ֔חַ  וְאֶל־  בָּנָ֥יו  אִתֹּ֖ו  לֵאמֹֽר׃  9   וַאֲנִ֕י  הִנְנִ֥י  מֵקִ֛ים  אֶת־  בְּרִיתִ֖י  אִתְּכֶ֑ם  וְאֶֽת־  זַרְעֲכֶ֖ם  אַֽחֲרֵיכֶֽם׃  10   וְאֵ֨ת  כָּל־  נֶ֤פֶשׁ  הַֽחַיָּה֙  אֲשֶׁ֣ר  אִתְּכֶ֔ם  בָּעֹ֧וף  בַּבְּהֵמָ֛ה  וּֽבְכָל־  חַיַּ֥ת  הָאָ֖רֶץ  אִתְּכֶ֑ם  מִכֹּל֙  יֹצְאֵ֣י  הַתֵּבָ֔ה  לְכֹ֖ל  חַיַּ֥ת  הָאָֽרֶץ׃  11   וַהֲקִמֹתִ֤י  אֶת־  בְּרִיתִי֙  אִתְּכֶ֔ם  וְלֹֽא־  יִכָּרֵ֧ת  כָּל־  בָּשָׂ֛ר  עֹ֖וד  מִמֵּ֣י  הַמַּבּ֑וּל  וְלֹֽא־  יִהְיֶ֥ה  עֹ֛וד  מַבּ֖וּל  לְשַׁחֵ֥ת  הָאָֽרֶץ׃  12   וַיֹּ֣אמֶר  אֱלֹהִ֗ים  זֹ֤את  אֹֽות־  הַבְּרִית֙  אֲשֶׁר־  אֲנִ֣י  נֹתֵ֗ן  בֵּינִי֙  וּבֵ֣ינֵיכֶ֔ם  וּבֵ֛ין  כָּל־  נֶ֥פֶשׁ  חַיָּ֖ה  אֲשֶׁ֣ר  אִתְּכֶ֑ם  לְדֹרֹ֖ת  עֹולָֽם׃  13   אֶת־  קַשְׁתִּ֕י  נָתַ֖תִּי  בֶּֽעָנָ֑ן  וְהָֽיְתָה֙  לְאֹ֣ות  בְּרִ֔ית  בֵּינִ֖י  וּבֵ֥ין  הָאָֽרֶץ׃  14   וְהָיָ֕ה  בְּעַֽנְנִ֥י  עָנָ֖ן  עַל־  הָאָ֑רֶץ  וְנִרְאֲתָ֥ה  הַקֶּ֖שֶׁת  בֶּעָנָֽן׃  15   וְזָכַרְתִּ֣י  אֶת־  בְּרִיתִ֗י  אֲשֶׁ֤ר  בֵּינִי֙  וּבֵ֣ינֵיכֶ֔ם  וּבֵ֛ין  כָּל־  נֶ֥פֶשׁ  חַיָּ֖ה  בְּכָל־  בָּשָׂ֑ר  וְלֹֽא־  יִֽהְיֶ֨ה  עֹ֤וד  הַמַּ֙יִם֙  לְמַבּ֔וּל  לְשַׁחֵ֖ת  כָּל־  בָּשָֽׂר׃  16   וְהָיְתָ֥ה  הַקֶּ֖שֶׁת  בֶּֽעָנָ֑ן  וּרְאִיתִ֗יהָ  לִזְכֹּר֙  בְּרִ֣ית  עֹולָ֔ם  בֵּ֣ין  אֱלֹהִ֔ים  וּבֵין֙  כָּל־  נֶ֣פֶשׁ  חַיָּ֔ה  בְּכָל־  בָּשָׂ֖ר  אֲשֶׁ֥ר  עַל־  הָאָֽרֶץ׃  17   וַיֹּ֥אמֶר  אֱלֹהִ֖ים  אֶל־  נֹ֑חַ  זֹ֤את  אֹֽות־  הַבְּרִית֙  אֲשֶׁ֣ר  הֲקִמֹ֔תִי  בֵּינִ֕י  וּבֵ֥ין  כָּל־  בָּשָׂ֖ר  אֲשֶׁ֥ר  עַל־  הָאָֽרֶץ׃  פ 
Noah's family replenishes the world.
Noah plants a vineyard,
Is drunken, and mocked by his son;
21   וַיֵּ֥שְׁתְּ  מִן־  הַיַּ֖יִן  וַיִּשְׁכָּ֑ר  וַיִּתְגַּ֖ל  בְּתֹ֥וךְ  אָהֳלֹֽה  22   וַיַּ֗רְא  חָ֚ם  אֲבִ֣י  כְנַ֔עַן  אֵ֖ת  עֶרְוַ֣ת  אָבִ֑יו  וַיַּגֵּ֥ד  לִשְׁנֵֽי־  אֶחָ֖יו  בַּחֽוּץ׃  23   וַיִּקַּח֩  שֵׁ֨ם  וָיֶ֜פֶת  אֶת־  הַשִּׂמְלָ֗ה  וַיָּשִׂ֙ימוּ֙  עַל־  שְׁכֶ֣ם  שְׁנֵיהֶ֔ם  וַיֵּֽלְכוּ֙  אֲחֹ֣רַנִּ֔ית  וַיְכַסּ֕וּ  אֵ֖ת  עֶרְוַ֣ת  אֲבִיהֶ֑ם  וּפְנֵיהֶם֙  אֲחֹ֣רַנִּ֔ית  וְעֶרְוַ֥ת  אֲבִיהֶ֖ם  לֹ֥א  רָאֽוּ׃  24   וַיִּ֥יקֶץ  נֹ֖חַ  מִיֵּינֹ֑ו  וַיֵּ֕דַע  אֵ֛ת  אֲשֶׁר־  עָ֥שָׂה־  לֹ֖ו  בְּנֹ֥ו  הַקָּטָֽן׃ 
Curses Canaan;
Blesses Shem;
Prays for Japheth, and dies.