בראשית 47

<< בראשית 47 >>
Genesis 47 Hebrew Study Bible
Joseph presents his father, and five of his brothers before Pharaoh.
1   וַיָּבֹ֣א  יֹוסֵף֮  וַיַּגֵּ֣ד  לְפַרְעֹה֒  וַיֹּ֗אמֶר  אָבִ֨י  וְאַחַ֜י  וְצֹאנָ֤ם  וּבְקָרָם֙  וְכָל־  אֲשֶׁ֣ר  לָהֶ֔ם  בָּ֖אוּ  מֵאֶ֣רֶץ  כְּנָ֑עַן  וְהִנָּ֖ם  בְּאֶ֥רֶץ  גֹּֽשֶׁן׃  2   וּמִקְצֵ֣ה  אֶחָ֔יו  לָקַ֖ח  חֲמִשָּׁ֣ה  אֲנָשִׁ֑ים  וַיַּצִּגֵ֖ם  לִפְנֵ֥י  פַרְעֹֽה׃  3   וַיֹּ֧אמֶר  פַּרְעֹ֛ה  אֶל־  אֶחָ֖יו  מַה־  מַּעֲשֵׂיכֶ֑ם  וַיֹּאמְר֣וּ  אֶל־  פַּרְעֹ֗ה  רֹעֵ֥ה  צֹאן֙  עֲבָדֶ֔יךָ  גַּם־  אֲנַ֖חְנוּ  גַּם־  אֲבֹותֵֽינוּ׃  4   וַיֹּאמְר֣וּ  אֶל־  פַּרְעֹ֗ה  לָג֣וּר  בָּאָרֶץ֮  בָּאנוּ֒  כִּי־  אֵ֣ין  מִרְעֶ֗ה  לַצֹּאן֙  אֲשֶׁ֣ר  לַעֲבָדֶ֔יךָ  כִּֽי־  כָבֵ֥ד  הָרָעָ֖ב  בְּאֶ֣רֶץ  כְּנָ֑עַן  וְעַתָּ֛ה  יֵֽשְׁבוּ־  נָ֥א  עֲבָדֶ֖יךָ  בְּאֶ֥רֶץ  גֹּֽשֶׁן׃  5   וַיֹּ֣אמֶר  פַּרְעֹ֔ה  אֶל־  יֹוסֵ֖ף  לֵאמֹ֑ר  אָבִ֥יךָ  וְאַחֶ֖יךָ  בָּ֥אוּ  אֵלֶֽיךָ׃  6   אֶ֤רֶץ  מִצְרַ֙יִם֙  לְפָנֶ֣יךָ  הִ֔וא  בְּמֵיטַ֣ב  הָאָ֔רֶץ  הֹושֵׁ֥ב  אֶת־  אָבִ֖יךָ  וְאֶת־  אַחֶ֑יךָ  יֵשְׁבוּ֙  בְּאֶ֣רֶץ  גֹּ֔שֶׁן  וְאִם־  יָדַ֗עְתָּ  וְיֶשׁ־  בָּם֙  אַנְשֵׁי־  חַ֔יִל  וְשַׂמְתָּ֛ם  שָׂרֵ֥י  מִקְנֶ֖ה  עַל־  אֲשֶׁר־  לִֽי׃  7   וַיָּבֵ֤א  יֹוסֵף֙  אֶת־  יַֽעֲקֹ֣ב  אָבִ֔יו  וַיַּֽעֲמִדֵ֖הוּ  לִפְנֵ֣י  פַרְעֹ֑ה  וַיְבָ֥רֶךְ  יַעֲקֹ֖ב  אֶת־  פַּרְעֹֽה׃  8   וַיֹּ֥אמֶר  פַּרְעֹ֖ה  אֶֽל־  יַעֲקֹ֑ב  כַּמָּ֕ה  יְמֵ֖י  שְׁנֵ֥י  חַיֶּֽיךָ׃  9   וַיֹּ֤אמֶר  יַעֲקֹב֙  אֶל־  פַּרְעֹ֔ה  יְמֵי֙  שְׁנֵ֣י  מְגוּרַ֔י  שְׁלֹשִׁ֥ים  וּמְאַ֖ת  שָׁנָ֑ה  מְעַ֣ט  וְרָעִ֗ים  הָיוּ֙  יְמֵי֙  שְׁנֵ֣י  חַיַּ֔י  וְלֹ֣א  הִשִּׂ֗יגוּ  אֶת־  יְמֵי֙  שְׁנֵי֙  חַיֵּ֣י  אֲבֹתַ֔י  בִּימֵ֖י  מְגוּרֵיהֶֽם׃  10   וַיְבָ֥רֶךְ  יַעֲקֹ֖ב  אֶת־  פַּרְעֹ֑ה  וַיֵּצֵ֖א  מִלִּפְנֵ֥י  פַרְעֹֽה׃ 
He gives them habitation and maintenance.
He gets the Egyptian's money;
13   וְלֶ֤חֶם  אֵין֙  בְּכָל־  הָאָ֔רֶץ  כִּֽי־  כָבֵ֥ד  הָרָעָ֖ב  מְאֹ֑ד  וַתֵּ֜לַהּ  אֶ֤רֶץ  מִצְרַ֙יִם֙  וְאֶ֣רֶץ  כְּנַ֔עַן  מִפְּנֵ֖י  הָרָעָֽב׃  14   וַיְלַקֵּ֣ט  יֹוסֵ֗ף  אֶת־  כָּל־  הַכֶּ֙סֶף֙  הַנִּמְצָ֤א  בְאֶֽרֶץ־  מִצְרַ֙יִם֙  וּבְאֶ֣רֶץ  כְּנַ֔עַן  בַּשֶּׁ֖בֶר  אֲשֶׁר־  הֵ֣ם  שֹׁבְרִ֑ים  וַיָּבֵ֥א  יֹוסֵ֛ף  אֶת־  הַכֶּ֖סֶף  בֵּ֥יתָה  פַרְעֹֽה׃  15   וַיִּתֹּ֣ם  הַכֶּ֗סֶף  מֵאֶ֣רֶץ  מִצְרַיִם֮  וּמֵאֶ֣רֶץ  כְּנַעַן֒  וַיָּבֹאוּ֩  כָל־  מִצְרַ֨יִם  אֶל־  יֹוסֵ֤ף  לֵאמֹר֙  הָֽבָה־  לָּ֣נוּ  לֶ֔חֶם  וְלָ֥מָּה  נָמ֖וּת  נֶגְדֶּ֑ךָ  כִּ֥י  אָפֵ֖ס  כָּֽסֶף׃ 
their cattle;
and their lands, except the priests', to Pharaoh.
18   וַתִּתֹּם֮  הַשָּׁנָ֣ה  הַהִוא֒  וַיָּבֹ֨אוּ  אֵלָ֜יו  בַּשָּׁנָ֣ה  הַשֵּׁנִ֗ית  וַיֹּ֤אמְרוּ  לֹו֙  לֹֽא־  נְכַחֵ֣ד  מֵֽאֲדֹנִ֔י  כִּ֚י  אִם־  תַּ֣ם  הַכֶּ֔סֶף  וּמִקְנֵ֥ה  הַבְּהֵמָ֖ה  אֶל־  אֲדֹנִ֑י  לֹ֤א  נִשְׁאַר֙  לִפְנֵ֣י  אֲדֹנִ֔י  בִּלְתִּ֥י  אִם־  גְּוִיָּתֵ֖נוּ  וְאַדְמָתֵֽנוּ׃  19   לָ֧מָּה  נָמ֣וּת  לְעֵינֶ֗יךָ  גַּם־  אֲנַ֙חְנוּ֙  גַּ֣ם  אַדְמָתֵ֔נוּ  קְנֵֽה־  אֹתָ֥נוּ  וְאֶת־  אַדְמָתֵ֖נוּ  בַּלָּ֑חֶם  וְנִֽהְיֶ֞ה  אֲנַ֤חְנוּ  וְאַדְמָתֵ֙נוּ֙  עֲבָדִ֣ים  לְפַרְעֹ֔ה  וְתֶן־  זֶ֗רַע  וְנִֽחְיֶה֙  וְלֹ֣א  נָמ֔וּת  וְהָאֲדָמָ֖ה  לֹ֥א  תֵשָֽׁם׃  20   וַיִּ֨קֶן  יֹוסֵ֜ף  אֶת־  כָּל־  אַדְמַ֤ת  מִצְרַ֙יִם֙  לְפַרְעֹ֔ה  כִּֽי־  מָכְר֤וּ  מִצְרַ֙יִם֙  אִ֣ישׁ  שָׂדֵ֔הוּ  כִּֽי־  חָזַ֥ק  עֲלֵהֶ֖ם  הָרָעָ֑ב  וַתְּהִ֥י  הָאָ֖רֶץ  לְפַרְעֹֽה׃  21   וְאֶ֨ת־  הָעָ֔ם  הֶעֱבִ֥יר  אֹתֹ֖ו  לֶעָרִ֑ים  מִקְצֵ֥ה  גְבוּל־  מִצְרַ֖יִם  וְעַד־  קָצֵֽהוּ׃  22   רַ֛ק  אַדְמַ֥ת  הַכֹּהֲנִ֖ים  לֹ֣א  קָנָ֑ה  כִּי֩  חֹ֨ק  לַכֹּהֲנִ֜ים  מֵאֵ֣ת  פַּרְעֹ֗ה  וְאָֽכְל֤וּ  אֶת־  חֻקָּם֙  אֲשֶׁ֨ר  נָתַ֤ן  לָהֶם֙  פַּרְעֹ֔ה  עַל־  כֵּ֕ן  לֹ֥א  מָכְר֖וּ  אֶת־  אַדְמָתָֽם׃ 
He restores the land for a fifth.
23   וַיֹּ֤אמֶר  יֹוסֵף֙  אֶל־  הָעָ֔ם  הֵן֩  קָנִ֨יתִי  אֶתְכֶ֥ם  הַיֹּ֛ום  וְאֶת־  אַדְמַתְכֶ֖ם  לְפַרְעֹ֑ה  הֵֽא־  לָכֶ֣ם  זֶ֔רַע  וּזְרַעְתֶּ֖ם  אֶת־  הָאֲדָמָֽה׃  24   וְהָיָה֙  בַּתְּבוּאֹ֔ת  וּנְתַתֶּ֥ם  חֲמִישִׁ֖ית  לְפַרְעֹ֑ה  וְאַרְבַּ֣ע  הַיָּדֹ֡ת  יִהְיֶ֣ה  לָכֶם֩  לְזֶ֨רַע  הַשָּׂדֶ֧ה  וּֽלְאָכְלְכֶ֛ם  וְלַאֲשֶׁ֥ר  בְּבָתֵּיכֶ֖ם  וְלֶאֱכֹ֥ל  לְטַפְּכֶֽם׃  25   וַיֹּאמְר֖וּ  הֶחֱיִתָ֑נוּ  נִמְצָא־  חֵן֙  בְּעֵינֵ֣י  אֲדֹנִ֔י  וְהָיִ֥ינוּ  עֲבָדִ֖ים  לְפַרְעֹֽה׃  26   וַיָּ֣שֶׂם  אֹתָ֣הּ  יֹוסֵ֡ף  לְחֹק֩  עַד־  הַיֹּ֨ום  הַזֶּ֜ה  עַל־  אַדְמַ֥ת  מִצְרַ֛יִם  לְפַרְעֹ֖ה  לַחֹ֑מֶשׁ  רַ֞ק  אַדְמַ֤ת  הַכֹּֽהֲנִים֙  לְבַדָּ֔ם  לֹ֥א  הָיְתָ֖ה  לְפַרְעֹֽה׃  27   וַיֵּ֧שֶׁב  יִשְׂרָאֵ֛ל  בְּאֶ֥רֶץ  מִצְרַ֖יִם  בְּאֶ֣רֶץ  גֹּ֑שֶׁן  וַיֵּאָחֲז֣וּ  בָ֔הּ  וַיִּפְר֥וּ  וַיִּרְבּ֖וּ  מְאֹֽד׃ 
Jacob's age.
He swears Joseph to bury him with his fathers.
29   וַיִּקְרְב֣וּ  יְמֵֽי־  יִשְׂרָאֵל֮  לָמוּת֒  וַיִּקְרָ֣א  לִבְנֹ֣ו  לְיֹוסֵ֗ף  וַיֹּ֤אמֶר  לֹו֙  אִם־  נָ֨א  מָצָ֤אתִי  חֵן֙  בְּעֵינֶ֔יךָ  שִֽׂים־  נָ֥א  יָדְךָ֖  תַּ֣חַת  יְרֵכִ֑י  וְעָשִׂ֤יתָ  עִמָּדִי֙  חֶ֣סֶד  וֶאֱמֶ֔ת  אַל־  נָ֥א  תִקְבְּרֵ֖נִי  בְּמִצְרָֽיִם׃  30   וְשָֽׁכַבְתִּי֙  עִם־  אֲבֹתַ֔י  וּנְשָׂאתַ֙נִי֙  מִמִּצְרַ֔יִם  וּקְבַרְתַּ֖נִי  בִּקְבֻרָתָ֑ם  וַיֹּאמַ֕ר  אָנֹכִ֖י  אֶֽעֱשֶׂ֥ה  כִדְבָרֶֽךָ׃  31   וַיֹּ֗אמֶר  הִשָּֽׁבְעָה֙  לִ֔י  וַיִּשָּׁבַ֖ע  לֹ֑ו  וַיִּשְׁתַּ֥חוּ  יִשְׂרָאֵ֖ל  עַל־  רֹ֥אשׁ  הַמִּטָּֽה׃  פ