בראשית 32

<< בראשית 32 >>
Genesis 32 Hebrew Study Bible
Jacob's vision at Mahanaim.
His message to Esau.
He is afraid of Esau's coming.
6   וַיָּשֻׁ֙בוּ֙  הַמַּלְאָכִ֔ים  אֶֽל־  יַעֲקֹ֖ב  לֵאמֹ֑ר  בָּ֤אנוּ  אֶל־  אָחִ֙יךָ֙  אֶל־  עֵשָׂ֔ו  וְגַם֙  הֹלֵ֣ךְ  לִקְרָֽאתְךָ֔  וְאַרְבַּע־  מֵאֹ֥ות  אִ֖ישׁ  עִמֹּֽו׃  7   וַיִּירָ֧א  יַעֲקֹ֛ב  מְאֹ֖ד  וַיֵּ֣צֶר  לֹ֑ו  וַיַּ֜חַץ  אֶת־  הָעָ֣ם  אֲשֶׁר־  אִתֹּ֗ו  וְאֶת־  הַצֹּ֧אן  וְאֶת־  הַבָּקָ֛ר  וְהַגְּמַלִּ֖ים  לִשְׁנֵ֥י  מַחֲנֹֽות׃  8   וַיֹּ֕אמֶר  אִם־  יָבֹ֥וא  עֵשָׂ֛ו  אֶל־  הַמַּחֲנֶ֥ה  הָאַחַ֖ת  וְהִכָּ֑הוּ  וְהָיָ֛ה  הַמַּחֲנֶ֥ה  הַנִּשְׁאָ֖ר  לִפְלֵיטָֽה׃ 
He prays for deliverance.
9   וַיֹּאמֶר֮  יַעֲקֹב֒  אֱלֹהֵי֙  אָבִ֣י  אַבְרָהָ֔ם  וֵאלֹהֵ֖י  אָבִ֣י  יִצְחָ֑ק  יְהוָ֞ה  הָאֹמֵ֣ר  אֵלַ֗י  שׁ֧וּב  לְאַרְצְךָ֛  וּלְמֹולַדְתְּךָ֖  וְאֵיטִ֥יבָה  עִמָּֽךְ׃  10   קָטֹ֜נְתִּי  מִכֹּ֤ל  הַחֲסָדִים֙  וּמִכָּל־  הָ֣אֱמֶ֔ת  אֲשֶׁ֥ר  עָשִׂ֖יתָ  אֶת־  עַבְדֶּ֑ךָ  כִּ֣י  בְמַקְלִ֗י  עָבַ֙רְתִּי֙  אֶת־  הַיַּרְדֵּ֣ן  הַזֶּ֔ה  וְעַתָּ֥ה  הָיִ֖יתִי  לִשְׁנֵ֥י  מַחֲנֹֽות׃  11   הַצִּילֵ֥נִי  נָ֛א  מִיַּ֥ד  אָחִ֖י  מִיַּ֣ד  עֵשָׂ֑ו  כִּֽי־  יָרֵ֤א  אָנֹכִי֙  אֹתֹ֔ו  פֶּן־  יָבֹ֣וא  וְהִכַּ֔נִי  אֵ֖ם  עַל־  בָּנִֽים׃  12   וְאַתָּ֣ה  אָמַ֔רְתָּ  הֵיטֵ֥ב  אֵיטִ֖יב  עִמָּ֑ךְ  וְשַׂמְתִּ֤י  אֶֽת־  זַרְעֲךָ֙  כְּחֹ֣ול  הַיָּ֔ם  אֲשֶׁ֥ר  לֹא־  יִסָּפֵ֖ר  מֵרֹֽב׃ 
He sends a present to Esau, and passes the brook Jabbok.
13   וַיָּ֥לֶן  שָׁ֖ם  בַּלַּ֣יְלָה  הַה֑וּא  וַיִּקַּ֞ח  מִן־  הַבָּ֧א  בְיָדֹ֛ו  מִנְחָ֖ה  לְעֵשָׂ֥ו  אָחִֽיו׃  14   עִזִּ֣ים  מָאתַ֔יִם  וּתְיָשִׁ֖ים  עֶשְׂרִ֑ים  רְחֵלִ֥ים  מָאתַ֖יִם  וְאֵילִ֥ים  עֶשְׂרִֽים׃  15   גְּמַלִּ֧ים  מֵינִיקֹ֛ות  וּבְנֵיהֶ֖ם  שְׁלֹשִׁ֑ים  פָּרֹ֤ות  אַרְבָּעִים֙  וּפָרִ֣ים  עֲשָׂרָ֔ה  אֲתֹנֹ֣ת  עֶשְׂרִ֔ים  וַעְיָרִ֖ם  עֲשָׂרָֽה׃  16   וַיִּתֵּן֙  בְּיַד־  עֲבָדָ֔יו  עֵ֥דֶר  עֵ֖דֶר  לְבַדֹּ֑ו  וַ֤יֹּאמֶר  אֶל־  עֲבָדָיו֙  עִבְר֣וּ  לְפָנַ֔י  וְרֶ֣וַח  תָּשִׂ֔ימוּ  בֵּ֥ין  עֵ֖דֶר  וּבֵ֥ין  עֵֽדֶר׃  17   וַיְצַ֥ו  אֶת־  הָרִאשֹׁ֖ון  לֵאמֹ֑ר  כִּ֣י  יִֽפְגָּשְׁךָ֞  עֵשָׂ֣ו  אָחִ֗י  וִשְׁאֵֽלְךָ֙  לֵאמֹ֔ר  לְמִי־  אַ֙תָּה֙  וְאָ֣נָה  תֵלֵ֔ךְ  וּלְמִ֖י  אֵ֥לֶּה  לְפָנֶֽיךָ׃  18   וְאָֽמַרְתָּ֙  לְעַבְדְּךָ֣  לְיַעֲקֹ֔ב  מִנְחָ֥ה  הִוא֙  שְׁלוּחָ֔ה  לַֽאדֹנִ֖י  לְעֵשָׂ֑ו  וְהִנֵּ֥ה  גַם־  ה֖וּא  אַחֲרֵֽינוּ׃  19   וַיְצַ֞ו  גַּ֣ם  אֶת־  הַשֵּׁנִ֗י  גַּ֚ם  אֶת־  הַשְּׁלִישִׁ֔י  גַּ֚ם  אֶת־  כָּל־  הַהֹ֣לְכִ֔ים  אַחֲרֵ֥י  הָעֲדָרִ֖ים  לֵאמֹ֑ר  כַּדָּבָ֤ר  הַזֶּה֙  תְּדַבְּר֣וּן  אֶל־  עֵשָׂ֔ו  בְּמֹצַאֲכֶ֖ם  אֹתֹֽו׃  20   וַאֲמַרְתֶּ֕ם  גַּ֗ם  הִנֵּ֛ה  עַבְדְּךָ֥  יַעֲקֹ֖ב  אַחֲרֵ֑ינוּ  כִּֽי־  אָמַ֞ר  אֲכַפְּרָ֣ה  פָנָ֗יו  בַּמִּנְחָה֙  הַהֹלֶ֣כֶת  לְפָנָ֔י  וְאַחֲרֵי־  כֵן֙  אֶרְאֶ֣ה  פָנָ֔יו  אוּלַ֖י  יִשָּׂ֥א  פָנָֽי׃  21   וַתַּעֲבֹ֥ר  הַמִּנְחָ֖ה  עַל־  פָּנָ֑יו  וְה֛וּא  לָ֥ן  בַּלַּֽיְלָה־  הַה֖וּא  בַּֽמַּחֲנֶֽה׃  22   וַיָּ֣קָם  בַּלַּ֣יְלָה  ה֗וּא  וַיִּקַּ֞ח  אֶת־  שְׁתֵּ֤י  נָשָׁיו֙  וְאֶת־  שְׁתֵּ֣י  שִׁפְחֹתָ֔יו  וְאֶת־  אַחַ֥ד  עָשָׂ֖ר  יְלָדָ֑יו  וַֽיַּעֲבֹ֔ר  אֵ֖ת  מַעֲבַ֥ר  יַבֹּֽק׃  23   וַיִּקָּחֵ֔ם  וַיַּֽעֲבִרֵ֖ם  אֶת־  הַנָּ֑חַל  וַֽיַּעֲבֵ֖ר  אֶת־  אֲשֶׁר־  לֹו 
He wrestles with an angel at Peniel, where he is called Israel.
24   וַיִּוָּתֵ֥ר  יַעֲקֹ֖ב  לְבַדֹּ֑ו  וַיֵּאָבֵ֥ק  אִישׁ֙  עִמֹּ֔ו  עַ֖ד  עֲלֹ֥ות  הַשָּֽׁחַר׃  25   וַיַּ֗רְא  כִּ֣י  לֹ֤א  יָכֹל֙  לֹ֔ו  וַיִּגַּ֖ע  בְּכַף־  יְרֵכֹ֑ו  וַתֵּ֙קַע֙  כַּף־  יֶ֣רֶךְ  יַעֲקֹ֔ב  בְּהֵֽאָבְקֹ֖ו  עִמֹּֽו׃  26   וַיֹּ֣אמֶר  שַׁלְּחֵ֔נִי  כִּ֥י  עָלָ֖ה  הַשָּׁ֑חַר  וַיֹּ֙אמֶר֙  לֹ֣א  אֲשַֽׁלֵּחֲךָ֔  כִּ֖י  אִם־  בֵּרַכְתָּֽנִי׃  27   וַיֹּ֥אמֶר  אֵלָ֖יו  מַה־  שְּׁמֶ֑ךָ  וַיֹּ֖אמֶר  יַעֲקֹֽב׃  28   וַיֹּ֗אמֶר  לֹ֤א  יַעֲקֹב֙  יֵאָמֵ֥ר  עֹוד֙  שִׁמְךָ֔  כִּ֖י  אִם־  יִשְׂרָאֵ֑ל  כִּֽי־  שָׂרִ֧יתָ  עִם־  אֱלֹהִ֛ים  וְעִם־  אֲנָשִׁ֖ים  וַתּוּכָֽל׃  29   וַיִּשְׁאַ֣ל  יַעֲקֹ֗ב  וַיֹּ֙אמֶר֙  הַגִּֽידָה־  נָּ֣א  שְׁמֶ֔ךָ  וַיֹּ֕אמֶר  לָ֥מָּה  זֶּ֖ה  תִּשְׁאַ֣ל  לִשְׁמִ֑י  וַיְבָ֥רֶךְ  אֹתֹ֖ו  שָֽׁם׃  30   וַיִּקְרָ֧א  יַעֲקֹ֛ב  שֵׁ֥ם  הַמָּקֹ֖ום  פְּנִיאֵ֑ל  כִּֽי־  רָאִ֤יתִי  אֱלֹהִים֙  פָּנִ֣ים  אֶל־  פָּנִ֔ים  וַתִּנָּצֵ֖ל  נַפְשִֽׁי׃ 
He halts.