בראשית 1

<< בראשית 1 >>
Genesis 1 Hebrew Study Bible
God creates heaven and earth;
the light;
the firmament;
separates the dry land;
9   וַיֹּ֣אמֶר  אֱלֹהִ֗ים  יִקָּו֨וּ  הַמַּ֜יִם  מִתַּ֤חַת  הַשָּׁמַ֙יִם֙  אֶל־  מָקֹ֣ום  אֶחָ֔ד  וְתֵרָאֶ֖ה  הַיַּבָּשָׁ֑ה  וַֽיְהִי־  כֵֽן׃  10   וַיִּקְרָ֨א  אֱלֹהִ֤ים  לַיַּבָּשָׁה֙  אֶ֔רֶץ  וּלְמִקְוֵ֥ה  הַמַּ֖יִם  קָרָ֣א  יַמִּ֑ים  וַיַּ֥רְא  אֱלֹהִ֖ים  כִּי־  טֹֽוב׃  11   וַיֹּ֣אמֶר  אֱלֹהִ֗ים  תַּֽדְשֵׁ֤א  הָאָ֙רֶץ֙  דֶּ֔שֶׁא  עֵ֚שֶׂב  מַזְרִ֣יעַ  זֶ֔רַע  עֵ֣ץ  פְּרִ֞י  עֹ֤שֶׂה  פְּרִי֙  לְמִינֹ֔ו  אֲשֶׁ֥ר  זַרְעֹו־  בֹ֖ו  עַל־  הָאָ֑רֶץ  וַֽיְהִי־  כֵֽן׃  12   וַתֹּוצֵ֨א  הָאָ֜רֶץ  דֶּ֠שֶׁא  עֵ֣שֶׂב  מַזְרִ֤יעַ  זֶ֙רַע֙  לְמִינֵ֔הוּ  וְעֵ֧ץ  עֹֽשֶׂה־  פְּרִ֛י  אֲשֶׁ֥ר  זַרְעֹו־  בֹ֖ו  לְמִינֵ֑הוּ  וַיַּ֥רְא  אֱלֹהִ֖ים  כִּי־  טֹֽוב׃  13   וַֽיְהִי־  עֶ֥רֶב  וַֽיְהִי־  בֹ֖קֶר  יֹ֥ום  שְׁלִישִֽׁי׃  פ 
forms the sun, moon, and stars;
14   וַיֹּ֣אמֶר  אֱלֹהִ֗ים  יְהִ֤י  מְאֹרֹת֙  בִּרְקִ֣יעַ  הַשָּׁמַ֔יִם  לְהַבְדִּ֕יל  בֵּ֥ין  הַיֹּ֖ום  וּבֵ֣ין  הַלָּ֑יְלָה  וְהָי֤וּ  לְאֹתֹת֙  וּלְמֹ֣ועֲדִ֔ים  וּלְיָמִ֖ים  וְשָׁנִֽים׃  15   וְהָי֤וּ  לִמְאֹורֹת֙  בִּרְקִ֣יעַ  הַשָּׁמַ֔יִם  לְהָאִ֖יר  עַל־  הָאָ֑רֶץ  וַֽיְהִי־  כֵֽן׃  16   וַיַּ֣עַשׂ  אֱלֹהִ֔ים  אֶת־  שְׁנֵ֥י  הַמְּאֹרֹ֖ת  הַגְּדֹלִ֑ים  אֶת־  הַמָּאֹ֤ור  הַגָּדֹל֙  לְמֶמְשֶׁ֣לֶת  הַיֹּ֔ום  וְאֶת־  הַמָּאֹ֤ור  הַקָּטֹן֙  לְמֶמְשֶׁ֣לֶת  הַלַּ֔יְלָה  וְאֵ֖ת  הַכֹּוכָבִֽים׃  17   וַיִּתֵּ֥ן  אֹתָ֛ם  אֱלֹהִ֖ים  בִּרְקִ֣יעַ  הַשָּׁמָ֑יִם  לְהָאִ֖יר  עַל־  הָאָֽרֶץ׃  18   וְלִמְשֹׁל֙  בַּיֹּ֣ום  וּבַלַּ֔יְלָה  וּֽלֲהַבְדִּ֔יל  בֵּ֥ין  הָאֹ֖ור  וּבֵ֣ין  הַחֹ֑שֶׁךְ  וַיַּ֥רְא  אֱלֹהִ֖ים  כִּי־  טֹֽוב׃  19   וַֽיְהִי־  עֶ֥רֶב  וַֽיְהִי־  בֹ֖קֶר  יֹ֥ום  רְבִיעִֽי׃  פ 
fishes and fowls;
20   וַיֹּ֣אמֶר  אֱלֹהִ֔ים  יִשְׁרְצ֣וּ  הַמַּ֔יִם  שֶׁ֖רֶץ  נֶ֣פֶשׁ  חַיָּ֑ה  וְעֹוף֙  יְעֹופֵ֣ף  עַל־  הָאָ֔רֶץ  עַל־  פְּנֵ֖י  רְקִ֥יעַ  הַשָּׁמָֽיִם׃  21   וַיִּבְרָ֣א  אֱלֹהִ֔ים  אֶת־  הַתַּנִּינִ֖ם  הַגְּדֹלִ֑ים  וְאֵ֣ת  כָּל־  נֶ֣פֶשׁ  הַֽחַיָּ֣ה  הָֽרֹמֶ֡שֶׂת  אֲשֶׁר֩  שָׁרְצ֨וּ  הַמַּ֜יִם  לְמִֽינֵהֶ֗ם  וְאֵ֨ת  כָּל־  עֹ֤וף  כָּנָף֙  לְמִינֵ֔הוּ  וַיַּ֥רְא  אֱלֹהִ֖ים  כִּי־  טֹֽוב׃  22   וַיְבָ֧רֶךְ  אֹתָ֛ם  אֱלֹהִ֖ים  לֵאמֹ֑ר  פְּר֣וּ  וּרְב֗וּ  וּמִלְא֤וּ  אֶת־  הַמַּ֙יִם֙  בַּיַּמִּ֔ים  וְהָעֹ֖וף  יִ֥רֶב  בָּאָֽרֶץ׃  23   וַֽיְהִי־  עֶ֥רֶב  וַֽיְהִי־  בֹ֖קֶר  יֹ֥ום  חֲמִישִֽׁי׃  פ 
cattle, wild beasts, and creeping things;
creates man in his own image, blesses him;
26   וַיֹּ֣אמֶר  אֱלֹהִ֔ים  נַֽעֲשֶׂ֥ה  אָדָ֛ם  בְּצַלְמֵ֖נוּ  כִּדְמוּתֵ֑נוּ  וְיִרְדּוּ֩  בִדְגַ֨ת  הַיָּ֜ם  וּבְעֹ֣וף  הַשָּׁמַ֗יִם  וּבַבְּהֵמָה֙  וּבְכָל־  הָאָ֔רֶץ  וּבְכָל־  הָרֶ֖מֶשׂ  הָֽרֹמֵ֥שׂ  עַל־  הָאָֽרֶץ׃  27   וַיִּבְרָ֨א  אֱלֹהִ֤ים  אֶת־  הָֽאָדָם֙  בְּצַלְמֹ֔ו  בְּצֶ֥לֶם  אֱלֹהִ֖ים  בָּרָ֣א  אֹתֹ֑ו  זָכָ֥ר  וּנְקֵבָ֖ה  בָּרָ֥א  אֹתָֽם׃  28   וַיְבָ֣רֶךְ  אֹתָם֮  אֱלֹהִים֒  וַיֹּ֨אמֶר  לָהֶ֜ם  אֱלֹהִ֗ים  פְּר֥וּ  וּרְב֛וּ  וּמִלְא֥וּ  אֶת־  הָאָ֖רֶץ  וְכִבְשֻׁ֑הָ  וּרְד֞וּ  בִּדְגַ֤ת  הַיָּם֙  וּבְעֹ֣וף  הַשָּׁמַ֔יִם  וּבְכָל־  חַיָּ֖ה  הָֽרֹמֶ֥שֶׂת  עַל־  הָאָֽרֶץ׃ 
grants the fruits of the earth for food.
29   וַיֹּ֣אמֶר  אֱלֹהִ֗ים  הִנֵּה֩  נָתַ֨תִּי  לָכֶ֜ם  אֶת־  כָּל־  עֵ֣שֶׂב  זֹרֵ֣עַ  זֶ֗רַע  אֲשֶׁר֙  עַל־  פְּנֵ֣י  כָל־  הָאָ֔רֶץ  וְאֶת־  כָּל־  הָעֵ֛ץ  אֲשֶׁר־  בֹּ֥ו  פְרִי־  עֵ֖ץ  זֹרֵ֣עַ  זָ֑רַע  לָכֶ֥ם  יִֽהְיֶ֖ה  לְאָכְלָֽה׃  30   וּֽלְכָל־  חַיַּ֣ת  הָ֠אָרֶץ  וּלְכָל־  עֹ֨וף  הַשָּׁמַ֜יִם  וּלְכֹ֣ל  רֹומֵ֣שׂ  עַל־  הָאָ֗רֶץ  אֲשֶׁר־  בֹּו֙  נֶ֣פֶשׁ  חַיָּ֔ה  אֶת־  כָּל־  יֶ֥רֶק  עֵ֖שֶׂב  לְאָכְלָ֑ה  וַֽיְהִי־  כֵֽן׃  31   וַיַּ֤רְא  אֱלֹהִים֙  אֶת־  כָּל־  אֲשֶׁ֣ר  עָשָׂ֔ה  וְהִנֵּה־  טֹ֖וב  מְאֹ֑ד  וַֽיְהִי־  עֶ֥רֶב  וַֽיְהִי־  בֹ֖קֶר  יֹ֥ום  הַשִּׁשִּֽׁי׃  פ 
<< Genesis 1 >>

Hebrew Text: Westminster Leningrad Codex
Greek Text Based on the Westcott-Hort Edition of 1881

Interlinear Bible