ΠΡΟΣ ΓΑΛΑΤΑΣ 4

<< ΠΡΟΣ ΓΑΛΑΤΑΣ 4 >>
Galatians 4 Greek Study Bible
We were under the law till Christ came, as the heir is under the guardian till he be of age.
   1   Λέγω  δὲ  ἐφ’  ὅσον  χρόνον  ὁ  κληρονόμος  νήπιος  ἐστιν,  οὐδὲν  διαφέρει  δούλου  κύριος  πάντων  ὤν,  2   ἀλλὰ  ὑπὸ  ἐπιτρόπους  ἐστὶν  καὶ  οἰκονόμους  ἄχρι  τῆς  προθεσμίας  τοῦ  πατρός.  3   οὕτως  καὶ  ἡμεῖς,  ὅτε  ἦμεν  νήπιοι  ὑπὸ  τὰ  στοιχεῖα  τοῦ  κόσμου  ἤμεθα  δεδουλωμένοι·  4   ὅτε  δὲ  ἦλθεν  τὸ  πλήρωμα  τοῦ  χρόνου  ἐξαπέστειλεν  ὁ  θεὸς  τὸν  υἱὸν  αὐτοῦ,  γενόμενον  ἐκ  γυναῖκος,  γενόμενον  ὑπὸ  νόμον, 
But Christ freed us from the law;
therefore we are servants no longer to it.
   8   Ἀλλὰ  τότε  μὲν  οὐκ  εἰδότες  θεὸν  ἐδουλεύσατε  τοῖς  φύσει  μὴ  οὖσιν  θεοὶς·  9   νῦν  δὲ  γνόντες  θεὸν,  μᾶλλον  δὲ  γνωσθέντες  ὑπὸ  θεοῦ,  πῶς  ἐπιστρέφετε  πάλιν  ἐπὶ  τὰ  ἀσθενῆ  καὶ  πτωχὰ  στοιχεῖα  οἷς  πάλιν  ἄνωθεν  δουλεῦσαι  θέλετε;  10   ἡμέρας  παρατηρεῖσθε  καὶ  μῆνας  καὶ  καιροὺς  καὶ  ἐνιαυτούς,  11   φοβοῦμαι  ὑμᾶς  μή  πως  εἰκῇ  κεκοπίακα  εἰς  ὑμᾶς. 
   12   Γίνεσθε  ὡς  ἐγὼ,  ὅτι  κἀγὼ  ὡς  ὑμεῖς,  ἀδελφοί,  δέομαι  ὑμῶν.  οὐδέν  με  ἠδικήσατε·  13   οἴδατε  δὲ  ὅτι  δι’  ἀσθένειαν  τῆς  σαρκὸς  εὐηγγελισάμην  ὑμῖν  τὁ  πρότερον, 
Paul remembers the Galatians' good will to him, and his to them;
14   καὶ  τὸν  πειρασμὸν  ὑμῶν  ἐν  τῇ  σαρκί  μου  οὐκ  ἐξουθενήσατε  οὐδὲ  ἐξεπτύσατε,  ἀλλὰ  ὡς  ἄγγελον  θεοῦ  ἐδέξασθε  με,  ὡς  Χριστὸν  Ἰησοῦν.  15   ποῦ  οὖν  ὁ  μακαρισμὸς  ὑμῶν,  μαρτυρῶ  γὰρ  ὑμῖν  ὅτι  εἰ  δυνατὸν  τοὺς  ὀφθαλμοὺς  ὑμῶν  ἐξορύξαντες  ἐδώκατε  μοι.  16   ὥστε  ἐχθρὸς  ὑμῶν  γέγονα  ἀληθεύων  ὑμῖν;  17   ζηλοῦσιν  ὑμᾶς  οὐ  καλῶς,  ἀλλὰ  ἐκκλεῖσαι  ὑμᾶς  θέλουσιν,  ἵνα  αὐτοὺς  ζηλοῦτε·  18   καλὸν  δὲ  ζηλοῦσθαι  ἐν  καλῷ  πάντοτε  καὶ  μὴ  μόνον  ἐν  τῷ  παρεῖναι  με  πρὸς  ὑμᾶς.  19   τεκνία  μου,  οὓς  πάλιν  ὠδίνω  μέχρις  οὗ  μορφωθῇ  Χριστὸς  ἐν  ὑμῖν·  20   ἤθελον  δὲ  παρεῖναι  πρὸς  ὑμᾶς  ἄρτι  καὶ  ἀλλάξαι  τὴν  φώνην  μου,  ὅτι  ἀποροῦμαι  ἐν  ὑμῖν. 
   21   Λέγετε  μοι,  οἱ  ὑπὸ  νόμον  θέλοντες  εἶναι,  τὸν  νόμον  οὐκ  ἀκούετε; 
and shows that we are the sons of Abraham by the freewoman.
22   γέγραπται  γὰρ  ὅτι  Ἀβραὰμ  δύο  υἱοὺς  ἔσχεν,  ἕνα  ἐκ  τῆς  παιδίσκης  καὶ  ἕνα  ἐκ  τῆς  ἐλευθέρας.  23   ἀλλ’  ὁ  μὲν  ἐκ  τῆς  παιδίσκης  κατὰ  σάρκα  γεγέννηται,  ὁ  δὲ  ἐκ  τῆς  ἐλεύθερας  δι’  ἐπαγγελίας.  24   ἅτινα  ἐστιν  ἀλληγορούμενα  αὐταὶ  γάρ  εἰσιν  δύο  διαθῆκαι,  μία  μὲν  ἀπὸ  ὄρους  Σινᾶ  εἰς  δουλείαν  γεννῶσα,  ἥτις  ἐστιν  Ἁγάρ.  25   τὸ  δὲ  Ἁγὰρ  Σινᾶ  ὄρος  ἐστιν  ἐν  τῇ  Ἀραβίᾳ·  συστοιχεῖ  δὲ  τῇ  νῦν  Ἰερουσαλήμ,  δουλεύει  γὰρ  μετὰ  τῶν  τέκνων  αὐτῆς.  26   ἡ  δὲ  ἄνω  Ἰερουσαλήμ  ἐλευθέρα  ἐστιν,  ἥτις  ἐστιν  μήτηρ  ἡμῶν·  27   γέγραπται  γὰρ· 
      εὐφράνθητι,  στεῖρα  ἡ  οὐ  τίκτουσα, 
            ῥῆξον  καὶ  βόησον,  ἡ  οὐκ  ὠδίνουσα· 
         ὅτι  πολλὰ  τὰ  τέκνα  τῆς  ἐρήμου  μᾶλλον 
            ἢ  τῆς  ἐχούσης  τὸν  ἄνδρα. 
   28   ἡμεῖς  δὲ,  ἀδελφοὶ,  κατὰ  Ἰσαὰκ  ἐπαγγελίας  τέκνα  ἐσμέν.  29   ἀλλ’  ὥσπερ  τότε  ὁ  κατὰ  σάρκα  γεννηθεὶς  ἐδίωκεν  τὸν  κατὰ  πνεῦμα,  οὕτως  καὶ  νῦν.  30   ἀλλὰ  τί  λέγει  ἡ  γραφή;  ἔκβαλε  τὴν  παιδίσκην  καὶ  τὸν  υἱὸν  αὐτῆς·  οὐ  γὰρ  μὴ  κληρονομήσει  ὁ  υἱὸς  τῆς  παιδίσκης  μετὰ  τοῦ  υἱοῦ  τῆς  ἐλευθέρας.  31   διό,  ἀδελφοί,  οὐκ  ἐσμὲν  παιδίσκης  τέκνα  ἀλλὰ  τῆς  ἐλευθέρας.