שמות 24

<< שמות 24 >>
Exodus 24 Hebrew Study Bible
Moses is called up into the mountain
The people promise obedience
Moses builds an altar, and twelve pillars.
He sprinkles the blood of the covenant
6   וַיִּקַּ֤ח  מֹשֶׁה֙  חֲצִ֣י  הַדָּ֔ם  וַיָּ֖שֶׂם  בָּאַגָּנֹ֑ת  וַחֲצִ֣י  הַדָּ֔ם  זָרַ֖ק  עַל־  הַמִּזְבֵּֽחַ׃  7   וַיִּקַּח֙  סֵ֣פֶר  הַבְּרִ֔ית  וַיִּקְרָ֖א  בְּאָזְנֵ֣י  הָעָ֑ם  וַיֹּ֣אמְר֔וּ  כֹּ֛ל  אֲשֶׁר־  דִּבֶּ֥ר  יְהוָ֖ה  נַעֲשֶׂ֥ה  וְנִשְׁמָֽע׃  8   וַיִּקַּ֤ח  מֹשֶׁה֙  אֶת־  הַדָּ֔ם  וַיִּזְרֹ֖ק  עַל־  הָעָ֑ם  וַיֹּ֗אמֶר  הִנֵּ֤ה  דַֽם־  הַבְּרִית֙  אֲשֶׁ֨ר  כָּרַ֤ת  יְהוָה֙  עִמָּכֶ֔ם  עַ֥ל  כָּל־  הַדְּבָרִ֖ים  הָאֵֽלֶּה׃ 
The glory of God appears
9   וַיַּ֥עַל  מֹשֶׁ֖ה  וְאַהֲרֹ֑ן  נָדָב֙  וַאֲבִיה֔וּא  וְשִׁבְעִ֖ים  מִזִּקְנֵ֥י  יִשְׂרָאֵֽל׃  10   וַיִּרְא֕וּ  אֵ֖ת  אֱלֹהֵ֣י  יִשְׂרָאֵ֑ל  וְתַ֣חַת  רַגְלָ֗יו  כְּמַעֲשֵׂה֙  לִבְנַ֣ת  הַסַּפִּ֔יר  וּכְעֶ֥צֶם  הַשָּׁמַ֖יִם  לָטֹֽהַר׃  11   וְאֶל־  אֲצִילֵי֙  בְּנֵ֣י  יִשְׂרָאֵ֔ל  לֹ֥א  שָׁלַ֖ח  יָדֹ֑ו  וַֽיֶּחֱזוּ֙  אֶת־  הָ֣אֱלֹהִ֔ים  וַיֹּאכְל֖וּ  וַיִּשְׁתּֽוּ׃  ס  12   וַיֹּ֨אמֶר  יְהוָ֜ה  אֶל־  מֹשֶׁ֗ה  עֲלֵ֥ה  אֵלַ֛י  הָהָ֖רָה  וֶהְיֵה־  שָׁ֑ם  וְאֶתְּנָ֨ה  לְךָ֜  אֶת־  לֻחֹ֣ת  הָאֶ֗בֶן  וְהַתֹּורָה֙  וְהַמִּצְוָ֔ה  אֲשֶׁ֥ר  כָּתַ֖בְתִּי  לְהֹורֹתָֽם׃  13   וַיָּ֣קָם  מֹשֶׁ֔ה  וִיהֹושֻׁ֖עַ  מְשָׁרְתֹ֑ו  וַיַּ֥עַל  מֹשֶׁ֖ה  אֶל־  הַ֥ר  הָאֱלֹהִֽים׃ 
Aaron and Hur have the charge of the people
Moses goes into the mountain, where he continues forty days and forty nights.
15   וַיַּ֥עַל  מֹשֶׁ֖ה  אֶל־  הָהָ֑ר  וַיְכַ֥ס  הֶעָנָ֖ן  אֶת־  הָהָֽר׃  16   וַיִּשְׁכֹּ֤ן  כְּבֹוד־  יְהוָה֙  עַל־  הַ֣ר  סִינַ֔י  וַיְכַסֵּ֥הוּ  הֶעָנָ֖ן  שֵׁ֣שֶׁת  יָמִ֑ים  וַיִּקְרָ֧א  אֶל־  מֹשֶׁ֛ה  בַּיֹּ֥ום  הַשְּׁבִיעִ֖י  מִתֹּ֥וךְ  הֶעָנָֽן׃  17   וּמַרְאֵה֙  כְּבֹ֣וד  יְהוָ֔ה  כְּאֵ֥שׁ  אֹכֶ֖לֶת  בְּרֹ֣אשׁ  הָהָ֑ר  לְעֵינֵ֖י  בְּנֵ֥י  יִשְׂרָאֵֽל׃  18   וַיָּבֹ֥א  מֹשֶׁ֛ה  בְּתֹ֥וךְ  הֶעָנָ֖ן  וַיַּ֣עַל  אֶל־  הָהָ֑ר  וַיְהִ֤י  מֹשֶׁה֙  בָּהָ֔ר  אַרְבָּעִ֣ים  יֹ֔ום  וְאַרְבָּעִ֖ים  לָֽיְלָה׃  פ