שמות 1

<< שמות 1 >>
Exodus 1 Hebrew Study Bible
The children of Israel, after Joseph's death, increase.
1   וְאֵ֗לֶּה  שְׁמֹות֙  בְּנֵ֣י  יִשְׂרָאֵ֔ל  הַבָּאִ֖ים  מִצְרָ֑יְמָה  אֵ֣ת  יַעֲקֹ֔ב  אִ֥ישׁ  וּבֵיתֹ֖ו  בָּֽאוּ׃  2   רְאוּבֵ֣ן  שִׁמְעֹ֔ון  לֵוִ֖י  וִיהוּדָֽה׃  3   יִשָּׂשכָ֥ר  זְבוּלֻ֖ן  וּבְנְיָמִֽן  4   דָּ֥ן  וְנַפְתָּלִ֖י  גָּ֥ד  וְאָשֵֽׁר׃  5   וַֽיְהִ֗י  כָּל־  נֶ֛פֶשׁ  יֹצְאֵ֥י  יֶֽרֶךְ־  יַעֲקֹ֖ב  שִׁבְעִ֣ים  נָ֑פֶשׁ  וְיֹוסֵ֖ף  הָיָ֥ה  בְמִצְרָֽיִם׃  6   וַיָּ֤מָת  יֹוסֵף֙  וְכָל־  אֶחָ֔יו  וְכֹ֖ל  הַדֹּ֥ור  הַהֽוּא׃  7   וּבְנֵ֣י  יִשְׂרָאֵ֗ל  פָּר֧וּ  וַֽיִּשְׁרְצ֛וּ  וַיִּרְבּ֥וּ  וַיַּֽעַצְמ֖וּ  בִּמְאֹ֣ד  מְאֹ֑ד  וַתִּמָּלֵ֥א  הָאָ֖רֶץ  אֹתָֽם׃  פ 
The more they are oppressed by a new king, the more they multiply.
8   וַיָּ֥קָם  מֶֽלֶךְ־  חָדָ֖שׁ  עַל־  מִצְרָ֑יִם  אֲשֶׁ֥ר  לֹֽא־  יָדַ֖ע  אֶת־  יֹוסֵֽף׃  9   וַיֹּ֖אמֶר  אֶל־  עַמֹּ֑ו  הִנֵּ֗ה  עַ֚ם  בְּנֵ֣י  יִשְׂרָאֵ֔ל  רַ֥ב  וְעָצ֖וּם  מִמֶּֽנּוּ׃  10   הָ֥בָה  נִֽתְחַכְּמָ֖ה  לֹ֑ו  פֶּן־  יִרְבֶּ֗ה  וְהָיָ֞ה  כִּֽי־  תִקְרֶ֤אנָה  מִלְחָמָה֙  וְנֹוסַ֤ף  גַּם־  הוּא֙  עַל־  שֹׂ֣נְאֵ֔ינוּ  וְנִלְחַם־  בָּ֖נוּ  וְעָלָ֥ה  מִן־  הָאָֽרֶץ׃  11   וַיָּשִׂ֤ימוּ  עָלָיו֙  שָׂרֵ֣י  מִסִּ֔ים  לְמַ֥עַן  עַנֹּתֹ֖ו  בְּסִבְלֹתָ֑ם  וַיִּ֜בֶן  עָרֵ֤י  מִסְכְּנֹות֙  לְפַרְעֹ֔ה  אֶת־  פִּתֹ֖ם  וְאֶת־  רַעַמְסֵֽס׃  12   וְכַאֲשֶׁר֙  יְעַנּ֣וּ  אֹתֹ֔ו  כֵּ֥ן  יִרְבֶּ֖ה  וְכֵ֣ן  יִפְרֹ֑ץ  וַיָּקֻ֕צוּ  מִפְּנֵ֖י  בְּנֵ֥י  יִשְׂרָאֵֽל׃  13   וַיַּעֲבִ֧דוּ  מִצְרַ֛יִם  אֶת־  בְּנֵ֥י  יִשְׂרָאֵ֖ל  בְּפָֽרֶךְ׃  14   וַיְמָרְר֨וּ  אֶת־  חַיֵּיהֶ֜ם  בַּעֲבֹדָ֣ה  קָשָׁ֗ה  בְּחֹ֙מֶר֙  וּבִלְבֵנִ֔ים  וּבְכָל־  עֲבֹדָ֖ה  בַּשָּׂדֶ֑ה  אֵ֚ת  כָּל־  עֲבֹ֣דָתָ֔ם  אֲשֶׁר־  עָבְד֥וּ  בָהֶ֖ם  בְּפָֽרֶךְ׃ 
The godliness of the midwives in saving the male children alive.
15   וַיֹּ֙אמֶר֙  מֶ֣לֶךְ  מִצְרַ֔יִם  לַֽמְיַלְּדֹ֖ת  הָֽעִבְרִיֹּ֑ת  אֲשֶׁ֨ר  שֵׁ֤ם  הָֽאַחַת֙  שִׁפְרָ֔ה  וְשֵׁ֥ם  הַשֵּׁנִ֖ית  פּוּעָֽה׃  16   וַיֹּ֗אמֶר  בְּיַלֶּדְכֶן֙  אֶת־  הָֽעִבְרִיֹּ֔ות  וּרְאִיתֶ֖ן  עַל־  הָאָבְנָ֑יִם  אִם־  בֵּ֥ן  הוּא֙  וַהֲמִתֶּ֣ן  אֹתֹ֔ו  וְאִם־  בַּ֥ת  הִ֖יא  וָחָֽיָה׃  17   וַתִּירֶ֤אןָ  הַֽמְיַלְּדֹת֙  אֶת־  הָ֣אֱלֹהִ֔ים  וְלֹ֣א  עָשׂ֔וּ  כַּאֲשֶׁ֛ר  דִּבֶּ֥ר  אֲלֵיהֶ֖ן  מֶ֣לֶךְ  מִצְרָ֑יִם  וַתְּחַיֶּ֖יןָ  אֶת־  הַיְלָדִֽים׃  18   וַיִּקְרָ֤א  מֶֽלֶךְ־  מִצְרַ֙יִם֙  לַֽמְיַלְּדֹ֔ת  וַיֹּ֣אמֶר  לָהֶ֔ן  מַדּ֥וּעַ  עֲשִׂיתֶ֖ן  הַדָּבָ֣ר  הַזֶּ֑ה  וַתְּחַיֶּ֖יןָ  אֶת־  הַיְלָדִֽים׃  19   וַתֹּאמַ֤רְןָ  הַֽמְיַלְּדֹת֙  אֶל־  פַּרְעֹ֔ה  כִּ֣י  לֹ֧א  כַנָּשִׁ֛ים  הַמִּצְרִיֹּ֖ת  הָֽעִבְרִיֹּ֑ת  כִּֽי־  חָיֹ֣ות  הֵ֔נָּה  בְּטֶ֨רֶם  תָּבֹ֧וא  אֲלֵהֶ֛ן  הַמְיַלֶּ֖דֶת  וְיָלָֽדוּ׃  20   וַיֵּ֥יטֶב  אֱלֹהִ֖ים  לַֽמְיַלְּדֹ֑ת  וַיִּ֧רֶב  הָעָ֛ם  וַיַּֽעַצְמ֖וּ  מְאֹֽד׃  21   וַיְהִ֕י  כִּֽי־  יָֽרְא֥וּ  הַֽמְיַלְּדֹ֖ת  אֶת־  הָאֱלֹהִ֑ים  וַיַּ֥עַשׂ  לָהֶ֖ם  בָּתִּֽים׃ 
Pharaoh commands the male children to be cast into the river