ΠΕΤΡΟΥ Β΄ 1

<< ΠΕΤΡΟΥ Β΄ 1 >>
2 Peter 1 Greek Study Bible
Peter confirms the hope of the increase of God's grace,
   3   Ὡς  πάντα  ἡμῖν  τῆς  θείας  δυνάμεως  αὐτοῦ  τὰ  πρὸς  ζωὴν  καὶ  εὐσέβειαν  δεδωρημένης  διὰ  τῆς  ἐπιγνώσεως  τοῦ  καλέσαντος  ἡμᾶς  διὰ  δόξης  καὶ  ἀρετῆς,  4   δι’  ὧν  τὰ  τίμια  καὶ  μέγιστα  ἡμῖν  ἐπαγγέλματα  δεδώρηται,  ἵνα  διὰ  τούτων  γένησθε  θείας  κοινωνοὶ  φύσεως  ἀποφυγόντες  τῆς  ἐν  τῷ  κόσμω  ἐν  ἐπιθυμίᾳ  φθορᾶς. 
exhorts them, by faith, and good works, to make their calling sure;
5   καὶ  αὐτὸ  τοῦτο  δὲ  σπουδὴν  πᾶσαν  παρεισενέγκαντες  ἐπιχορηγήσατε  ἐν  τῇ  πίστει  ὑμῶν  τὴν  ἀρετήν,  ἐν  δὲ  τῇ  ἀρετῇ  τὴν  γνῶσιν,  6   ἐν  δὲ  τῇ  γνώσει  τὴν  ἐγκράτειαν  ἐν  δὲ  τῇ  ἐγκρατείᾳ  τὴν  ὑπομονήν,  ἐν  δὲ  τῇ  ὑπομονῇ  τὴν  εὐσέβειαν,  7   ἐν  δὲ  τῇ  εὐσεβείᾳ  τὴν  φιλαδελφίαν,  ἐν  δὲ  τῇ  φιλαδελφίᾳ  τὴν  ἀγάπην.  8   ταῦτα  γὰρ  ὑμῖν  ὑπάρχοντα  καὶ  πλεονάζοντα  οὐκ  ἀργοὺς  οὐδὲ  ἀκάρπους  καθίστησιν  εἰς  τὴν  τοῦ  κυρίου  ἡμῶν  Ἰησοῦ  Χριστοῦ  ἐπίγνωσιν·  9   ᾧ  γὰρ  μὴ  πάρεστιν  ταῦτα  τυφλός  ἐστιν  μυωπάζων,  λήθην  λαβὼν  τοῦ  καθαρισμοῦ  τῶν  πάλαι  αὐτοῦ  ἁμαρτιῶν.  10   διὸ  μᾶλλον,  ἀδελφοί,  σπουδάσατε  βεβαίαν  ὑμῶν  τὴν  κλῆσιν  καὶ  ἐκλογὴν  ποιεῖσθαι·  ταῦτα  γὰρ  ποιοῦντες  οὐ  μὴ  πταίσητε  ποτε.  11   οὕτως  γὰρ  πλουσίως  ἐπιχορηγηθήσεται  ὑμῖν  ἡ  εἴσοδος  εἰς  τὴν  αἰώνιον  βασιλείαν  τοῦ  κυρίου  ἡμῶν  καὶ  σωτῆρος  Ἰησοῦ  Χριστοῦ. 
whereof he is careful to remind them, knowing that his death is at hand;
   12   Διὸ  μελλήσω  ἀεὶ  ὑμᾶς  ὑπομιμνῄσκειν  περὶ  τούτων  καίπερ  εἰδότας  καὶ  ἐστηριγμένους  ἐν  τῇ  παρούσῃ  ἀληθείᾳ.  13   δίκαιον  δὲ  ἡγοῦμαι,  ἐφ’  ὅσον  εἰμὶ  ἐν  τούτῳ  τῷ  σκηνώματι,  διεγείρειν  ὑμᾶς  ἐν  ὑπομνήσει,  14   εἰδὼς  ὅτι  ταχινή  ἐστιν  ἡ  ἀπόθεσις  τοῦ  σκηνώματος  μου  καθὼς  καὶ  ὁ  κύριος  ἡμῶν  Ἰησοῦς  Χριστὸς  ἐδήλωσεν  μοι,  15   σπουδάσω  δὲ  καὶ  ἑκάστοτε  ἔχειν  ὑμᾶς  μετὰ  τὴν  ἐμὴν  ἔξοδον  τὴν  τούτων  μνήμην  ποιεῖσθαι. 
and assures them of the authenticity of the Gospel, by the eyewitness of the apostles and the prophets.
   16   Οὐ  γὰρ  σεσοφισμένοις  μύθοις  ἐξακολουθήσαντες  ἐγνωρίσαμεν  ὑμῖν  τὴν  τοῦ  κυρίου  ἡμῶν  Ἰησοῦ  Χριστοῦ  δύναμιν  καὶ  παρουσίαν  ἀλλ’  ἐπόπται  γενηθέντες  τῆς  ἐκείνου  μεγαλειότητος.  17   λαβὼν  γὰρ  παρὰ  θεοῦ  πατρὸς  τιμὴν  καὶ  δόξαν  φωνῆς  ἐνεχθείσης  αὐτῷ  τοιᾶσδε  ὑπὸ  τῆς  μεγαλοπρεποῦς  δόξης.  Ὁ  υἱός  μου  ὁ  ἀγαπητός  μου  οὗτος  ἐστιν  εἰς  ὃν  ἐγὼ  εὐδόκησα,  18   καὶ  ταύτην  τὴν  φωνὴν  ἡμεῖς  ἠκούσαμεν  ἐξ  οὐρανοῦ  ἐνεχθεῖσαν  σὺν  αὐτῳ  ὄντες  ἐν  τῷ  ἁγίῳ  ὄρει.  19   καὶ  ἔχομεν  βεβαιότερον  τὸν  προφητικὸν  λόγον  ᾧ  καλῶς  ποιεῖτε  προσέχοντες  ὡς  λύχνῳ  φαίνοντι  ἐν  αὐχμηρῷ  τόπῳ  ἕως  οὗ  ἡμέρα  διαυγάσῃ  καὶ  φωσφόρος  ἀνατείλῃ  ἐν  ταῖς  καρδίαις  ὑμῶν,  20   τοῦτο  πρῶτον  γινώσκοντες  ὅτι  πᾶσα  προφητεία  γραφῆς  ἰδίας  ἐπιλύσεως  οὐ  γίνεται·  21   οὐ  γὰρ  θελήματι  ἀνθρώπου  ἠνέχθη  προφητεία  ποτε  ἀλλὰ  ὑπὸ  πνεύματος  ἁγίου  φερόμενοι  ἐλάλησαν  ἀπὸ  θεοῦ  ἄνθρωποι.