מלכים ב 24

<< מלכים ב 24 >>
2 Kings 24 Hebrew Study Bible

Jehoiakim, first subdued by Nebuchadnezzar, then rebelling against him,
procures his own ruin.
2   וַיְשַׁלַּ֣ח  יְהוָ֣ה  בֹּ֡ו  אֶת־  גְּדוּדֵ֣י  כַשְׂדִּים֩  וְאֶת־  גְּדוּדֵ֨י  אֲרָ֜ם  וְאֵ֣ת  גְּדוּדֵ֣י  מֹואָ֗ב  וְאֵת֙  גְּדוּדֵ֣י  בְנֵֽי־  עַמֹּ֔ון  וַיְשַׁלְּחֵ֥ם  בִּֽיהוּדָ֖ה  לְהַֽאֲבִידֹ֑ו  כִּדְבַ֣ר  יְהוָ֔ה  אֲשֶׁ֣ר  דִּבֶּ֔ר  בְּיַ֖ד  עֲבָדָ֥יו  הַנְּבִיאִֽים׃  3   אַ֣ךְ  עַל־  פִּ֣י  יְהוָ֗ה  הָֽיְתָה֙  בִּֽיהוּדָ֔ה  לְהָסִ֖יר  מֵעַ֣ל  פָּנָ֑יו  בְּחַטֹּ֣את  מְנַשֶּׁ֔ה  כְּכֹ֖ל  אֲשֶׁ֥ר  עָשָֽׂה׃  4   וְגַ֤ם  דַּֽם־  הַנָּקִי֙  אֲשֶׁ֣ר  שָׁפָ֔ךְ  וַיְמַלֵּ֥א  אֶת־  יְרוּשָׁלִַ֖ם  דָּ֣ם  נָקִ֑י  וְלֹֽא־  אָבָ֥ה  יְהוָ֖ה  לִסְלֹֽחַ׃ 
Jehoiachin succeeds him.
The king of Egypt is vanquished by the king of Babylon.
Jehoiachin's evil reign.
Jerusalem is taken and carried captive into Babylon.
10   בָּעֵ֣ת  הַהִ֔יא  [עָלָה  כ]  (עָל֗וּ  ק)  עַבְדֵ֛י  נְבֻכַדְנֶאצַּ֥ר  מֶֽלֶךְ־  בָּבֶ֖ל  יְרוּשָׁלִָ֑ם  וַתָּבֹ֥א  הָעִ֖יר  בַּמָּצֹֽור׃  11   וַיָּבֹ֛א  נְבוּכַדְנֶאצַּ֥ר  מֶֽלֶךְ־  בָּבֶ֖ל  עַל־  הָעִ֑יר  וַעֲבָדָ֖יו  צָרִ֥ים  עָלֶֽיהָ׃  12   וַיֵּצֵ֞א  יְהֹויָכִ֤ין  מֶֽלֶךְ־  יְהוּדָה֙  עַל־  מֶ֣לֶךְ  בָּבֶ֔ל  ה֣וּא  וְאִמֹּ֔ו  וַעֲבָדָ֖יו  וְשָׂרָ֣יו  וְסָֽרִיסָ֑יו  וַיִּקַּ֤ח  אֹתֹו֙  מֶ֣לֶךְ  בָּבֶ֔ל  בִּשְׁנַ֥ת  שְׁמֹנֶ֖ה  לְמָלְכֹֽו׃  13   וַיֹּוצֵ֣א  מִשָּׁ֗ם  אֶת־  כָּל־  אֹוצְרֹות֙  בֵּ֣ית  יְהוָ֔ה  וְאֹֽוצְרֹ֖ות  בֵּ֣ית  הַמֶּ֑לֶךְ  וַיְקַצֵּ֞ץ  אֶת־  כָּל־  כְּלֵ֣י  הַזָּהָ֗ב  אֲשֶׁ֨ר  עָשָׂ֜ה  שְׁלֹמֹ֤ה  מֶֽלֶךְ־  יִשְׂרָאֵל֙  בְּהֵיכַ֣ל  יְהוָ֔ה  כַּֽאֲשֶׁ֖ר  דִּבֶּ֥ר  יְהוָֽה׃  14   וְהִגְלָ֣ה  אֶת־  כָּל־  יְ֠רוּשָׁלִַם  וְֽאֶת־  כָּל־  הַשָּׂרִ֞ים  וְאֵ֣ת  כָּל־  גִּבֹּורֵ֣י  הַחַ֗יִל  [עֲשָׂרָה  כ]  (עֲשֶׂ֤רֶת  ק)  אֲלָפִים֙  גֹּולֶ֔ה  וְכָל־  הֶחָרָ֖שׁ  וְהַמַּסְגֵּ֑ר  לֹ֣א  נִשְׁאַ֔ר  זוּלַ֖ת  דַּלַּ֥ת  עַם־  הָאָֽרֶץ׃  15   וַיֶּ֥גֶל  אֶת־  יְהֹויָכִ֖ין  בָּבֶ֑לָה  וְאֶת־  אֵ֣ם  הַ֠מֶּלֶךְ  וְאֶת־  נְשֵׁ֨י  הַמֶּ֜לֶךְ  וְאֶת־  סָרִיסָ֗יו  וְאֵת֙  [אֱוִלֵי  כ]  (אֵילֵ֣י  ק)  הָאָ֔רֶץ  הֹולִ֛יךְ  גֹּולָ֥ה  מִירוּשָׁלִַ֖ם  בָּבֶֽלָה׃  16   וְאֵת֩  כָּל־  אַנְשֵׁ֨י  הַחַ֜יִל  שִׁבְעַ֣ת  אֲלָפִ֗ים  וְהֶחָרָ֤שׁ  וְהַמַּסְגֵּר֙  אֶ֔לֶף  הַכֹּ֕ל  גִּבֹּורִ֖ים  עֹשֵׂ֣י  מִלְחָמָ֑ה  וַיְבִיאֵ֧ם  מֶֽלֶךְ־  בָּבֶ֛ל  גֹּולָ֖ה  בָּבֶֽלָה׃ 
Zedekiah is made king, and reigns ill, unto the utter destruction of Judah.
17   וַיַּמְלֵ֧ךְ  מֶֽלֶךְ־  בָּבֶ֛ל  אֶת־  מַתַּנְיָ֥ה  דֹדֹ֖ו  תַּחְתָּ֑יו  וַיַּסֵּ֥ב  אֶת־  שְׁמֹ֖ו  צִדְקִיָּֽהוּ׃  פ  18   בֶּן־  עֶשְׂרִ֨ים  וְאַחַ֤ת  שָׁנָה֙  צִדְקִיָּ֣הוּ  בְמָלְכֹ֔ו  וְאַחַ֤ת  עֶשְׂרֵה֙  שָׁנָ֔ה  מָלַ֖ךְ  בִּירוּשָׁלִָ֑ם  וְשֵׁ֣ם  אִמֹּ֔ו  [חֲמִיטַל  כ]  (חֲמוּטַ֥ל  ק)  בַּֽת־  יִרְמְיָ֖הוּ  מִלִּבְנָֽה׃  19   וַיַּ֥עַשׂ  הָרַ֖ע  בְּעֵינֵ֣י  יְהוָ֑ה  כְּכֹ֥ל  אֲשֶׁר־  עָשָׂ֖ה  יְהֹויָקִֽים׃  20   כִּ֣י  עַל־  אַ֣ף  יְהוָ֗ה  הָיְתָ֤ה  בִירוּשָׁלִַ֙ם֙  וּבִ֣יהוּדָ֔ה  עַד־  הִשְׁלִכֹ֥ו  אֹתָ֖ם  מֵעַ֣ל  פָּנָ֑יו  וַיִּמְרֹ֥ד  צִדְקִיָּ֖הוּ  בְּמֶ֥לֶךְ  בָּבֶֽל׃  ס