דברי הימים ב 25

<< דברי הימים ב 25 >>
2 Chronicles 25 Hebrew Study Bible
Amaziah begins to reign well
He executes justice on the traitors
having hired an army of Israelites against the Edomites,
5   וַיִּקְבֹּ֤ץ  אֲמַצְיָ֙הוּ֙  אֶת־  יְהוּדָ֔ה  וַיַּֽעֲמִידֵ֣ם  לְבֵית־  אָבֹ֗ות  לְשָׂרֵ֤י  הָאֲלָפִים֙  וּלְשָׂרֵ֣י  הַמֵּאֹ֔ות  לְכָל־  יְהוּדָ֖ה  וּבִנְיָמִ֑ן  וַֽיִּפְקְדֵ֗ם  לְמִבֶּ֨ן  עֶשְׂרִ֤ים  שָׁנָה֙  וָמַ֔עְלָה  וַיִּמְצָאֵ֗ם  שְׁלֹשׁ־  מֵאֹ֨ות  אֶ֤לֶף  בָּחוּר֙  יֹוצֵ֣א  צָבָ֔א  אֹחֵ֖ז  רֹ֥מַח  וְצִנָּֽה׃  6   וַיִּשְׂכֹּ֣ר  מִיִּשְׂרָאֵ֗ל  מֵ֥אָה  אֶ֛לֶף  גִּבֹּ֥ור  חָ֖יִל  בְּמֵאָ֥ה  כִכַּר־  כָּֽסֶף׃ 
at the word of a prophet dismisses them
7   וְאִ֣ישׁ  הָאֱלֹהִ֗ים  בָּ֤א  אֵלָיו֙  לֵאמֹ֔ר  הַמֶּ֕לֶךְ  אַל־  יָבֹ֥א  עִמְּךָ֖  צְבָ֣א  יִשְׂרָאֵ֑ל  כִּ֣י  אֵ֤ין  יְהוָה֙  עִם־  יִשְׂרָאֵ֔ל  כֹּ֖ל  בְּנֵ֥י  אֶפְרָֽיִם׃  8   כִּ֚י  אִם־  בֹּ֣א  אַתָּ֔ה  עֲשֵׂ֖ה  חֲזַ֣ק  לַמִּלְחָמָ֑ה  יַכְשִֽׁילְךָ֤  הָֽאֱלֹהִים֙  לִפְנֵ֣י  אֹויֵ֔ב  כִּ֥י  יֶשׁ־  כֹּ֛חַ  בֵּאלֹהִ֖ים  לַעְזֹ֥ור  וּלְהַכְשִֽׁיל׃  9   וַיֹּ֤אמֶר  אֲמַצְיָ֙הוּ֙  לְאִ֣ישׁ  הָאֱלֹהִ֔ים  וּמַֽה־  לַּעֲשֹׂות֙  לִמְאַ֣ת  הַכִּכָּ֔ר  אֲשֶׁ֥ר  נָתַ֖תִּי  לִגְד֣וּד  יִשְׂרָאֵ֑ל  וַיֹּ֙אמֶר֙  אִ֣ישׁ  הָֽאֱלֹהִ֔ים  יֵ֚שׁ  לַֽיהוָ֔ה  לָ֥תֶת  לְךָ֖  הַרְבֵּ֥ה  מִזֶּֽה׃  10   וַיַּבְדִּילֵ֣ם  אֲמַצְיָ֗הוּ  לְהַגְּדוּד֙  אֲשֶׁר־  בָּ֤א  אֵלָיו֙  מֵֽאֶפְרַ֔יִם  לָלֶ֖כֶת  לִמְקֹומָ֑ם  וַיִּ֨חַר  אַפָּ֤ם  מְאֹד֙  בִּֽיהוּדָ֔ה  וַיָּשׁ֥וּבוּ  לִמְקֹומָ֖ם  בָּחֳרִי־  אָֽף׃  פ 
He overthrows the Edomites
The Israelites, discontented with their dismission, spoil as they return home
Amaziah, proud of his victory, serves the gods of Edom, and ignores the prophet
14   וַיְהִ֗י  אַחֲרֵ֨י  בֹ֤וא  אֲמַצְיָ֙הוּ֙  מֵֽהַכֹּ֣ות  אֶת־  אֲדֹומִ֔ים  וַיָּבֵ֗א  אֶת־  אֱלֹהֵי֙  בְּנֵ֣י  שֵׂעִ֔יר  וַיַּֽעֲמִידֵ֥ם  לֹ֖ו  לֵאלֹהִ֑ים  וְלִפְנֵיהֶ֥ם  יִֽשְׁתַּחֲוֶ֖ה  וְלָהֶ֥ם  יְקַטֵּֽר׃  15   וַיִּֽחַר־  אַ֥ף  יְהוָ֖ה  בַּאֲמַצְיָ֑הוּ  וַיִּשְׁלַ֤ח  אֵלָיו֙  נָבִ֔יא  וַיֹּ֣אמֶר  לֹ֗ו  לָ֤מָּה  דָרַ֙שְׁתָּ֙  אֶת־  אֱלֹהֵ֣י  הָעָ֔ם  אֲשֶׁ֛ר  לֹא־  הִצִּ֥ילוּ  אֶת־  עַמָּ֖ם  מִיָּדֶֽךָ׃  16   וַיְהִ֣י  בְּדַבְּרֹ֣ו  אֵלָ֗יו  וַיֹּ֤אמֶר  לֹו֙  הַלְיֹועֵ֤ץ  לַמֶּ֙לֶךְ֙  נְתַנּ֔וּךָ  חֲדַל־  לְךָ֖  לָ֣מָּה  יַכּ֑וּךָ  וַיֶּחְדַּ֣ל  הַנָּבִ֗יא  וַיֹּ֙אמֶר֙  יָדַ֗עְתִּי  כִּֽי־  יָעַ֤ץ  אֱלֹהִים֙  לְהַשְׁחִיתֶ֔ךָ  כִּֽי־  עָשִׂ֣יתָ  זֹּ֔את  וְלֹ֥א  שָׁמַ֖עְתָּ  לַעֲצָתִֽי׃  פ 
He provokes Joash to his overthrow
17   וַיִּוָּעַ֗ץ  אֲמַצְיָ֙הוּ֙  מֶ֣לֶךְ  יְהוּדָ֔ה  וַ֠יִּשְׁלַח  אֶל־  יֹואָ֨שׁ  בֶּן־  יְהֹואָחָ֧ז  בֶּן־  יֵה֛וּא  מֶ֥לֶךְ  יִשְׂרָאֵ֖ל  לֵאמֹ֑ר  [לְךָ  כ]  (לְכָ֖ה  ק)  נִתְרָאֶ֥ה  פָנִֽים׃  18   וַיִּשְׁלַ֞ח  יֹואָ֣שׁ  מֶֽלֶךְ־  יִשְׂרָאֵ֗ל  אֶל־  אֲמַצְיָ֣הוּ  מֶֽלֶךְ־  יְהוּדָה֮  לֵאמֹר֒  הַחֹ֜וחַ  אֲשֶׁ֣ר  בַּלְּבָנֹ֗ון  לַח  אֶל־  הָאֶ֜רֶז  אֲשֶׁ֤ר  בַּלְּבָנֹון֙  לֵאמֹ֔ר  תְּנָֽה־  אֶת־  בִּתְּךָ֥  לִבְנִ֖י  לְאִשָּׁ֑ה  וַֽתַּעֲבֹ֞ר  חַיַּ֤ת  הַשָּׂדֶה֙  אֲשֶׁ֣ר  בַּלְּבָנֹ֔ון  וַתִּרְמֹ֖ס  אֶת־  הַחֹֽוחַ׃  19   אָמַ֗רְתָּ  הִנֵּ֤ה  הִכִּ֙יתָ֙  אֶת־  אֱדֹ֔ום  וּנְשָׂאֲךָ֥  לִבְּךָ֖  לְהַכְבִּ֑יד  עַתָּה֙  שְׁבָ֣ה  בְּבֵיתֶ֔ךָ  לָ֤מָּה  תִתְגָּרֶה֙  בְּרָעָ֔ה  וְנָ֣פַלְתָּ֔  אַתָּ֖ה  וִיהוּדָ֥ה  עִמָּֽךְ׃  20   וְלֹא־  שָׁמַ֣ע  אֲמַצְיָ֔הוּ  כִּ֤י  מֵהָֽאֱלֹהִים֙  הִ֔יא  לְמַ֖עַן  תִּתָּ֣ם  בְּיָ֑ד  כִּ֣י  דָֽרְשׁ֔וּ  אֵ֖ת  אֱלֹהֵ֥י  אֱדֹֽום׃  21   וַיַּ֨עַל  יֹואָ֤שׁ  מֶֽלֶךְ־  יִשְׂרָאֵל֙  וַיִּתְרָא֣וּ  פָנִ֔ים  ה֖וּא  וַאֲמַצְיָ֣הוּ  מֶֽלֶךְ־  יְהוּדָ֑ה  בְּבֵ֥ית  שֶׁ֖מֶשׁ  אֲשֶׁ֥ר  לִיהוּדָֽה׃  22   וַיִּנָּ֥גֶף  יְהוּדָ֖ה  לִפְנֵ֣י  יִשְׂרָאֵ֑ל  וַיָּנֻ֖סוּ  אִ֥ישׁ  לְאֹהָלָֽיו׃  23   וְאֵת֩  אֲמַצְיָ֨הוּ  מֶֽלֶךְ־  יְהוּדָ֜ה  בֶּן־  יֹואָ֣שׁ  בֶּן־  יְהֹואָחָ֗ז  תָּפַ֛שׂ  יֹואָ֥שׁ  מֶֽלֶךְ־  יִשְׂרָאֵ֖ל  בְּבֵ֣ית  שָׁ֑מֶשׁ  וַיְבִיאֵ֙הוּ֙  יְר֣וּשָׁלִַ֔ם  וַיִּפְרֹ֞ץ  בְּחֹומַ֣ת  יְרוּשָׁלִַ֗ם  מִשַּׁ֤עַר  אֶפְרַ֙יִם֙  עַד־  שַׁ֣עַר  הַפֹּונֶ֔ה  אַרְבַּ֥ע  מֵאֹ֖ות  אַמָּֽה׃  24   וְכָֽל־  הַזָּהָ֣ב  וְהַכֶּ֡סֶף  וְאֵ֣ת  כָּל־  הַ֠כֵּלִים  הַנִּמְצְאִ֨ים  בְּבֵית־  הָאֱלֹהִ֜ים  עִם־  עֹבֵ֣ד  אֱדֹ֗ום  וְאֶת־  אֹצְרֹות֙  בֵּ֣ית  הַמֶּ֔לֶךְ  וְאֵ֖ת  בְּנֵ֣י  הַתַּֽעֲרֻבֹ֑ות  וַיָּ֖שָׁב  שֹׁמְרֹֽון׃  פ 
His reign
He is slain by conspiracy