1   Περὶ  δὲ  ὧν  ἐγράψατε,  καλὸν  ἀνθρώπῳ  γυναικὸς  μὴ  ἅπτεσθαι·  2   διὰ  δὲ  τὰς  πορνείας  ἕκαστος  τὴν  ἑαυτοῦ  γυναῖκα  ἐχέτω  καὶ  ἑκάστη  τὸν  ἴδιον  ἄνδρα  ἐχέτω.  3   τῇ  γυναικὶ  ὁ  ἀνὴρ  τὴν  ὀφειλὴν  ἀποδιδότω,  ὁμοίως  δὲ  καὶ  ἡ  γυνὴ  τῷ  ἀνδρί. 

4   ἡ  γυνὴ  τοῦ  ἰδίου  σώματος  οὐκ  ἐξουσιάζει  ἀλλὰ  ὁ  ἀνήρ,  ὁμοίως  δὲ  καὶ  ὁ  ἀνὴρ  τοῦ  ἰδίου  σώματος  οὐκ  ἐξουσιάζει  ἀλλὰ  ἡ  γυνή.  5   μὴ  ἀποστερεῖτε  ἀλλήλους,  εἰ  μήτι  ἂν  ἐκ  συμφώνου  πρὸς  καιρόν,  ἵνα  σχολάσητε  τῇ  προσευχῇ  καὶ  πάλιν  ἐπὶ  τὸ  αὐτὸ  ἦτε,  ἵνα  μὴ  πειράζῃ  ὑμᾶς  ὁ  σατανᾶς  διὰ  τὴν  ἀκρασίαν  ὑμῶν.  6   τοῦτο  δὲ  λέγω  κατὰ  συγγνώμην  οὐ  κατ’  ἐπιταγήν.  7   θέλω  δὲ  πάντας  ἀνθρώπους  εἶναι  ὡς  καὶ  ἐμαυτόν·  ἀλλὰ  ἕκαστος  ἴδιον  ἔχει  χάρισμα  ἐκ  θεοῦ,  ὁ  μὲν  οὕτως,  ὁ  δὲ  οὕτως. 

10   Τοῖς  δὲ  γεγαμηκόσιν  παραγγέλλω,  οὐκ  ἐγὼ  ἀλλὰ  ὁ  κύριος,  γυναῖκα  ἀπὸ  ἀνδρὸς  μὴ  χωρισθῆναι,  11   ἐὰν  δὲ  καὶ  χωρισθῇ,  μενέτω  ἄγαμος  ἢ  τῷ  ἀνδρὶ  καταλλαγήτω*,  καὶ  ἄνδρα  γυναῖκα  μὴ  ἀφιέναι.  12   Τοῖς  δὲ  λοιποῖς  λέγω  ἐγὼ  οὐχ  ὁ  κύριος·  εἴ  τις  ἀδελφὸς  γυναῖκα  ἔχει  ἄπιστον  καὶ  αὕτη  συνευδοκεῖ  οἰκεῖν  μετ’  αὐτοῦ,  μὴ  ἀφιέτω  αὐτήν·  13   καὶ  γυνὴ  ἥτις  ἔχει  ἄνδρα  ἄπιστον  καὶ  οὗτος  συνευδοκεῖ  οἰκεῖν  μετ’  αὐτῆς,  μὴ  ἀφιέτω  τὸν  ἄνδρα.  14   ἡγίασται  γὰρ  ὁ  ἀνὴρ  ὁ  ἄπιστος  ἐν  τῇ  γυναικὶ  καὶ  ἡγίασται  ἡ  γυνὴ  ἡ  ἄπιστος  ἐν  τῷ  ἀδελφῷ·  ἐπεὶ  ἄρα  τὰ  τέκνα  ὑμῶν  ἀκάθαρτα  ἐστιν,  νῦν  δὲ  ἅγια  ἐστιν.  15   εἰ  δὲ  ὁ  ἄπιστος  χωρίζεται,  χωριζέσθω·  οὐ  δεδούλωται  ὁ  ἀδελφὸς  ἢ  ἡ  ἀδελφὴ  ἐν  τοῖς  τοιούτοις·  ἐν  δὲ  εἰρήνῃ  κέκληκεν  ὑμᾶς  ὁ  θεός.  16   τί  γὰρ  οἶδας,  γύναι,  εἰ  τὸν  ἄνδρα  σώσεις;  ἢ  τί  οἶδας  ἄνερ,  εἰ  τὴν  γυναῖκα  σώσεις; 

20   ἕκαστος  ἐν  τῇ  κλήσει  ἡ  ἐκλήθη  ἐν  ταύτῃ  μενέτω.  21   δοῦλος  ἐκλήθης,  μή  σοι  μελέτω·  ἀλλ’  εἰ  καὶ  δύνασαι  ἐλεύθερος  γενέσθαι  μᾶλλον  χρῆσαι.  22   ὁ  γὰρ  ἐν  κύριῳ  κληθεὶς  δοῦλος  ἀπελεύθερος  κυρίου  ἐστίν.  ὁμοίως  ὁ  ἐλεύθερος  κληθεὶς  δοῦλος  ἐστιν  Χριστοῦ.  23   τιμῆς  ἠγοράσθητε·  μὴ  γίνεσθε  δοῦλοι  ἀνθρώπων.  24   ἕκαστος  ἐν  ῷ  ἐκλήθη,  ἀδελφοί,  ἐν  τούτῳ  μενέτω  παρὰ  θεῷ. 

   25   Περὶ  δὲ  τῶν  παρθένων  ἐπιταγὴν  κυρίου  οὐκ  ἔχω,  γνώμην  δὲ  δίδωμι  ὡς  ἠλεημενος  ὑπὸ  κυρίου  πιστὸς  εἶναι.  26   Νομίζω  οὖν  τοῦτο  καλὸν  ὑπάρχειν  διὰ  τὴν  ἐνεστῶσαν  ἀνάγκην,  ὅτι  καλὸν  ἀνθρώπῳ  τὸ  οὕτως  εἶναι.  27   δέδεσαι  γυναικί,  μὴ  ζήτει  λύσιν·  λέλυσαι  ἀπὸ  γυναικός,  μὴ  ζήτει  γυναῖκα.  28   ἐὰν  δὲ  καὶ  γαμήσῃς,  οὐχ  ἥμαρτες  καὶ  ἐὰν  γήμῃ  ἡ  παρθένος,  οὐχ  ἥμαρτεν·  θλῖψιν  δὲ  τῇ  σαρκὶ  ἔξουσιν  οἱ  τοιοῦτοι,  ἐγὼ  δὲ  ὑμῶν  φείδομαι.  29   Τοῦτο  δὲ  φημι,  ἀδελφοί,  ὁ  καιρὸς  συνεσταλμένος  ἐστίν·  τὸ  λοιπόν,  ἵνα  καὶ  οἱ  ἔχοντες  γυναῖκας  ὡς  μὴ  ἔχοντες  ὦσιν  30   καὶ  οἱ  κλαίοντες  ὡς  μὴ  κλαίοντες  καὶ  οἱ  χαίροντες  ὡς  μὴ  χαίροντες  καὶ  οἱ  ἀγοράζοντες  ὡς  μὴ  κατέχοντες,  31   καὶ  οἱ  χρώμενοι  τὸν  κόσμον  ὡς  μὴ  καταχρώμενοι·  παράγει  γὰρ  τὸ  σχῆμα  τοῦ  κόσμου  τούτου.  32   Θέλω  δὲ  ὑμᾶς  ἀμερίμνους  εἶναι.  ὁ  ἄγαμος  μεριμνᾷ  τὰ  τοῦ  κυρίου,  πῶς  ἀρέσῃ  τῷ  κυρίῳ·  33   ὁ  δὲ  γαμήσας  μεριμνᾷ  τὰ  τοῦ  κόσμου,  πῶς  ἀρέσῃ  τῇ  γυναικί,  34   καὶ  μεμέρισται.  καὶ  ἡ  γυνὴ  ἡ  ἄγαμος  καὶ  ἡ  παρθένος  μεριμνᾷ  τὰ  τοῦ  κυρίου,  ἵνα  ᾖ  ἁγία  καὶ  τῷ  σώματι  καὶ  τῷ  πνεύματι·  ἡ  δὲ  γαμήσασα  μεριμνᾷ  τὰ  τοῦ  κόσμου,  πῶς  ἀρέσῃ  τῷ  ἀνδρί. 

35   τοῦτο  δὲ  πρὸς  τὸ  ὑμῶν  αὐτῶν  σύμφορον  λέγω,  οὐχ  ἵνα  βρόχον  ὑμῖν  ἐπιβάλω  ἀλλὰ  πρὸς  τὸ  εὔσχημον  καὶ  εὐπάρεδρον  τῷ  κυρίῳ  ἀπερισπάστως.